حبيت احط لكم غدانا اليوم ( برياني دجاج ) وايد لذيذ
اول شي نقطع الدجاج ونغسله
عقب نجهز تتبيلته واللي هي :
( ملعقتين روب + ملعقتين صلصة الطماط + شوي صويا صوصا + شوي شطة + شوي خل + شوي روزماري+ملح + فلفل اسود +بهار القلي+ زيت زيتون + ليمون يابس مطحون )
نخلط المقادير ونتبل الدجاج
نخلي زيت غزير بمقلاة عميقة على حرارة عالية , ونحط قطع الدجاج ونقلبهم ع الصوبين على حرارة عالية
وعقب نخف الحرارة ونغطي المقلاة ونخلي النار اقل شي لمدة ربع ساعة او عشرين دقيقة
ومرة ثانية نزيد النار ونخليه يتحمر , ونشيله ع ورق ماص ونخليه ع صوب
وبنفس الزيت نقلي البطاطا ونحطها ع صوب لحين التقديم
وهذا صحن حطيته حق سعودي فديته يحب البطاطا
نحط العيش والملح والسمن والبهارات الجافة على النار ونخليه العيش يستوي نص سوى
يعني يكون شوي حب -مب مستوي بالكامل - ونشخله
واول ما يذبل البصل , نحط الثوم المهروس
وعقب نحط طماط مقشر ومقطع قطع صغيرة
ونحط البهارات وصلصة الطماط
ونخليه ع نار هادئة لين ما يذبل الطماط وتكون الصلة شوي ثقيلة
في قدر العيش نحط شوي سمن
ونحط الصلصة , وفوقها نحط العيش المشخول
وفوق العيش نحط قطع من الزبدة
ونغطي القدر ونحطه ع نار خفيفة لين تذوب الزبدة
وعقب ما تذوب الزبدة
تخلطي شوية زعفران مع ماي ورد وتحطيه فوق العيش
بس للاسف الزعفران كان مخلص عندي فحطيت ماي ورد بس
وتخليه فترة عشرين دقيقة ع نار هادئة
وعقب تحطي فوقه الدجاج المقلي , وتخليه يتبخر