حبيبتي عادي انا مره مريت بنفس موقفك بالضبط كنت اخاف من شي اسمه بريعصي
المهم دخلت غرفتي لقيته يتجول بغرفتي قمت اصارخ لحالي من غير شعور دقيت على زوجي وكان مسافر لمدينه ثانيه تبعد عننا ساعتين وانا ميته خووف قلت له بريعصي بغرفة النووم بكل بروود رد علي قال الحين اركب السياره واجي مسويه ازعاج وفوضى عشان حشره ماتستاهل قال دوري لك اقرب عصا مكنسه واضربيها ولاتشغليني وكنت وقتها حامل بشهر بس مااستمر الله يعوضني يارب وحسيت بالم في اسفل ضهري من قو الخووف دقيت على اخوي قال انا بعيد ومشغول ماني فاضي لك وانا ميته رعب في الاخر استسلمت ودورت عصا مكنسه وضربتها والحين تعودت من اشوف حشره الاحقها واضربها تعلمنا قنص الحشرات ههههههه
انتي عودي حالك واضربي اول بريعصي بعدها بتتعود ايدك على ضربهم
وانا سمعت ان الي يضرب بريعصي يحصل على اجر ثواب لان البريعصي من الحشرات المكروه عند الله لانها كانت تنفخ النار لما كان نبي الله ابرهيم فيها عشان تزيد حرارتها لكن الله جعلها بردا وسلاما عليه انا هذا شجعني اني اضرب البريعصي بعد ماكنت اخاف منها
اسفه عالاطاله قصيت لك قصة حياتي هههه

عادي ياحياتي كل الرجال كذا انا عندي فوبيه من صراصير اكرهم كررررررره مااقدر اشوفهم تنجن جنوني بس هو يضحك ويترق وش فيها اذبيحه ماهو مااكلك

هم عندهم عادي بس احنا نخاف خليه بكيفه اهم شي انه يعاملك معامله زينه

المرة الثانيه اذا شفتي ذا الحشره اطلعي من الغرفه وسكري الباب وخليها مفاجئه لزوجك
الرجال مايحبون الزوجه الضعيفه لا تحسسينه انك بتموتين خوف منها لا قولي اتقرف منها واحس اني بستفرغ
والله يسخره لك

الحين البريعصي مو نفسه الصرصور؟؟
ههههههههههه وحدة ماتتكلم لهجتكم فجاوبوني
و انا اقول كمان زيادة مهما كان الواحد جبان وخواف
ودليع و عنده فوبيا لازم يعالجها لان الموقف مو مستاهل
كل هذا و شوفوا كيف البريعصي ع قولتها كاد يفرق
بينها و بين زوجها يعني تسوى عليها ترجع بيت اهلها
عشان فوبيا تقدر تعالجها اكيد لا .. والله يشفيكم !

والله ضحكتيني وذكرتيني بسلفتي اول ماتزوجت اتصلت على زوجها تبكي وتقول الحقني وهو بالعمل فيه حشره كبيره تطير بالبيت انفجع المسكين ودق على ابوه واخوانه قال الحقو اهلي على باله ديناصور ونزلو ركض عندها بالبيت ويوم شافوه الا هي ذبابه كبيره ههههههههههههه بعض البنات يفجعون ازواجهم طيب فكري شوي يمكن وهو جاي مسرع يسوي حادث بعد الشر والايوقع في مشكلها واخر شي يطلع شي بسيط بعد كذا اذا سارت لك مشكلها كبير مايصدقك
ممكن سؤال ايش هو البريعصي