لي عودة
بس تقريبا جميع المدن لبريطانية متشابهة للغاية
وان كان الاختلاف بين انجلترا واسكتلندا وويلز موجود ولكن بسيط
تحياتي للجميع

مشكوره بشائر الفجر ع الموضوع وجعله في موازيين اعمالك:26:

السلام عليكم ورحمة الله وبركاته
انا اعيش حاليا ب نوتينجهام منذ حوالي سنتين وكنت اعيش في برايتون سنتين وكمان بورت سموث سنتين وراح اكلمكم عن نوتينجهام<<<<<<<<< تراني سعودية بحته
الطقس:مثل كل بريطانيا عشرة شهور برد وشهر ونص معتدل مائل للبرودة وعشرة ايام معتدل مائل للحرارة و3 ايام حارة <<<<<<<<< مع تحيات مذيع النشرة الجوية( العيوني)
الناس بأشكالهم: طبعا في من كل الجنسيات وخاصة الباكستانيين وعدد محترم
البريطانين مثل عادتهم مالهم شغل باحد ماعدا كلبهم (اكرمكم الله)
المصريين يحبوا اللمه واسسوا من سنة ونص تقريبا جمعية او نادي لللاجتاع شهريا وفي رمضان اسبوعيا وكمان في الاعياد........... واللي تحتاج العنوان تقولي افيدها بالمعلومات
النادي السعودي ويجتمع فية كل العوائل السعودية تقريبا وهو كل 3 اسابيع ... واي معلومات عنه انا حاضرة
الاسواق : يوجد فيها 2 ازدا واحد منهم 24 ساعة وكبير جدا + موريسونز(السيفوي سابقا)+سيان سبريز+تسكو في الستي سنتر+السوبر ماركتات الصغيرة زي كووب+سمر فيلد+ليدل الالماني
الاسواق الاخرى من ملابس وغيرها موجودة في السنتر وبعض الاماكن الاخرى وكل الماركات الموجودة في لندن
الاهم......... المحل الهندي ويوجد 3 محلات والحمد لله بالاضلفة الى محل الجزائري والصيني
الاسعااااااااااااااااار: كل بريطانيا عالية عموما بس الشاطرة اللي توح كل الوبر ماركتات وتشتري الارخص من كل واحد وبالنسبة للبيوت حسب المنطقة في المناطق الشعبية او اللي تبع الكانسل تاكس رخيصة اي حوالي 400باوند بالشهر ...بس منطقة كلها مشاكل والعياذبالله....المناطق المحيطة بالجامعات معتدلة وهادئة بس كلها فرشها قديم ومستهلك من الطلاب اللي قبل ...اغلى المناطق منطقة ويست برج فورد(حي الاغنياء) ومنطقة والتون (المركز)
واسعارهم ما بين 800 (ماتلاقيها) و1000 (متوسطة)و1200 (كشخة)
نوتنجهام مو بمطقة سياحية واثارها مثل بريطانيا لها الوف السنيين لكن عادية وتشتهر فقط بجامعاتها اللي مستواها ممتاز
الاطباء : معلومة لكل الاخوات ان القانون البريطاني يفرض ان يكون 25% من مجموع الاطباء لازم يكونوا اجانب وهذا مطبق في جميع انحاء بريطانيا وهنا في غالبية منهم مصرية والكثير تجديهم في النادي العربي اللي قلتلكم عليه
وبعدين المستشفيات وحتى العيداتGP يجبولك مترجم لو حبيتي بس قوليلهم قبلها ب5-7 ايام
وانا اشوف انه الرعاية الطيبة عندهم فظيعة ومرررره حلوة وخاصة للحمل والولادة وكمان بعد الولادة لك وللمولود
مششششششششششششششششاعري: انا عموما احب بريطانيا طبعا على مر السنين بس اكره البرد وبالنسبة للمسلمين انا شايفة الحياة هنا عادية جدا وما في اي مشاكل والحد لله
واللي تحب تعيش في بريطانيا انصحها في مدينة برايتون هادئه ومرة حلوة وعلى البحر والاهم مشاكلها قليل جدا
والنصيحة العامة لكل من يريد ان يعيش في بريطانيا ان يتغاعل مع المجتمع اي يختلط بالجيران ويعطي صورة طيبة عن المسلمين وكمان يروح المعاهد والمدارس يساعد في العمليات الخيرية في المساجد يحاول تجميع المسلمين والعرب بانشاء نادي ثقافي واجتماعي ... يعني باختصار كوني سيدة مجتمع مو طبيخ وعيال وبس وبعدها تلاقي المجتمع تفاعل معاك وتلاقي كل من له علاقة بالمسلمين يكلمك وكمان جيرانك عامليهم بالحسنى دائما


تعرفوا انا اخر عيد ايش سويت قمت وزينت البيت من جوا ومن برة بالانوار والالعاب والزبنة اللميع وجوني جيراني يسالوني عن سبب الزينة قلتلهم هو عيدنا (يعني مثل كريسمسكم بس على طريقتنا الاسلامية) وتعرفوا ايش صار والله جابوا لي هدايا ولي بناتي بمناسبة عيد الفطر وكمان كروت تهنئة
وزاد انه بنتي راحت قالت لصحباتها اللي ماراح تجبلي كرت تهنئة بالعيد ما راح اعطيها وجه وماراح اكلمها وقالت للمعلمةانها راح تخرج من المدرسة لو انه المدرسة بما فيهم المدير ما هنئوها بالعيد وطبعا جاتها كوت الهبل من كل صاحباتها ومعلمتها وكمان المدير والادارة (انا علمتهم لازم يفرضوا عليهم احترامها وتقديرهم كمسلمين ولو ما كدا راح الكل ما يقدرهم) بتني الله يحفظها في الصف الثالث الابتدائي

اللي أفتقدوا: اممممممممممممممممممممممممممى واهلللللللللللللللللللللي وبس
وسلامتكم

اتمنى لو تذكرون لى افضل مستشفيات لندن وخصوصا الجلدية وجزاكم اللة خير

انا سامعه عن مستشفي كروم ويل في لندن حيل يمدحونه غيره ماعرف