خخخخخ اجل المعلومه صارت صحيحه (يطلع قمل )

نصيحه شي فيه شبهه ولو غلط خليه احسن ..........

خواتي منو قاللكم ان بريلكريم يسوي قمل وقشره امي الله يرحمها كانت تستعمله لي ولخواتي لما كنا صغار وتعالوا شوفو شعورنا طول وكثافه والله والكل كان حاسدنا على شعرنا ولا سوالنا لا قمل ولا شي بالعكس كانت شعورنا روووعه حتى امي لما كانت اتمشط شعري من طوله وكثافته كانت ايدها اتعورها والله يابنات ما ابالغ الكل كان يسألنا شو نحطي بشعرنا بس بعد ما كبرنا تركناه وتبهذلت شعورنا وامي لين توفت هذا كريمها ماغيرته وكانت دايما تقولنا شو اللي كثف شعوركم وطولها غير لبريلكريم وكانت تنصحنا نرجعله وشكلي برجع استعمله وترا دخلت الموضوع بس لان اسم لكريم ذكرني بأمي الله يرحمها :( ترا ما صارلها الا اربع شهور من توفت الله يرحمها ويغفر لها ويسكنها جنات الفردوس وجميع المسلمين اللهم آمين :44:

وعذريني اختي على الاطاله بس حبيت افيدج .

المرهفة اشكرك على المشاركة


جنان الله يرحم امج ويسكنها في اعلى الجنان يارب ويرحم كل امواتنا يا ارحم الراحمين
اللهم آمين

يزاج الله خير طمنتيني وانا الصراحة يالسة اجربه من كمن يوم وبستمر عليه ان شالله وبشوف

اشكركم اخواتي

" جنان " الله يرحم الوالدة ويسكنها جناته النعيم يارب العالمين .
أم حمدان بالنسبة للبريلكريم ما انتي خسرانه لو جربتيه أنا أستعمله لبنتي حوالي أربع شهور
وما شاء الله تبارك الله تعدل شعرها كثير وكل هذا من بعد ما شفت شعور بنات أختي تجنن
ما شاء الله طول وكثافة ونصحتني أختي به
فاانتي جربي وشوفي لكن لازم الصبر عشان تحصلين على نتايج فعاله بالاضافة
إلى الحناء كل اسبوع والزيت بعده وتشوفين الفرق وان شاء الله يعجبك شعرك .

كل اللي استخدموة بطلوا ماعاد نحن لسة ترررراث مستخدمينوة منذ نعومةاظافرنا

بس انة يطول او ينعم مادري والله أما إنة يجيب قمل او قشرة مرررة مايجيب مين قال طول



عمرنا نستخدمة ولا صار لنا شيء بس انا بطلت منة من زمااان اما اخواتي الين الحين يستخدمونة