بزران اول من الثلاثين وفوق تعالوا نتذكر عيدنا زمان العيد الصدقي

السلام عليكم

كيفكم ياقمورات...

من عام1397 الى عام 1406 ...العصر اللي شهد الطفره العنيفه في الخلاقين الغبيه ..امهاتنا اشابات اول للي هن عجائز الحين كان عندهم خير ودراهم ..ايام كل وحده تعرس سنتين وهي في بيت ملك موب زينا ...وتكرف في بيت اهل زوجها بذمه وضمير ..على الطاري مامتي <بكيفي تطورت بقول مامتي ..تقول كان كل جمعه تغسل ملابس عماني كلها وتكويهم عددهم 7 ..وش اللي حادها بسسسس

المهم كان عيدنا زمان ..شي من الخيااال احس ان العيد صدز عيد <لاتشرهون تحمست بس جد
كانت امي تشتري لي انا وخواتي فساتين منفوشه ونلبسها تقل مركبات فضايئه ونعشق فستان العيد شي مقدس نحلل اومه نلبسه بكل زواجات السنه وبحفلات المدارس واحيانا لابغيت اخقق نفسي افتح الدولاب وابوسه واقفل الدولاب وبعيوني قلوب


ماشاء الله زمان مع ان هلي مرتاحين ماديا ..بس الام تشتري كل الاغراض حقت سنه يوم العيد ا1ذكر تشتري بجامه وفستان وتنوره وبلوزه واكسسوارات وشنطه ذهبيه تلمع فيها دنادش ..مدري تذكرونها .؟؟؟
تصدقون شايفه هالسنه زيها بسنتربوينت واكسسواريز ..
الحين وانا اتكلم عالعيد اشم ريحه الصبح اول يوم تجنن نروح لجدتي ومتجمعين عندها كلنا وشابات اول كلهن نفس الروج السحري وماركه الكحل وعاد اللي خقه حاطه كريم كيلي يقاله كريم اساس
وزمان العيال ثياب وعاد اللي كشخه اقاربنا اللي يجون من جده والرياض لابسين قميص وبنطلون تقل ابو يمن
ومراهقات هالفتره احسهم كل الوقت بالمطبخ واللي داشره يكون عندها مسجل داخل المطبخ مع ان كان فيه هالوقت خدامات.. اغلبهم نحيفات وبشراتهم عدم كلها حبوب والشعر قصه الاسد .؟؟مدري كيف كانوا ينخطبون هالعينات مع ان الوحده ماتطق 18 الا وهي معرسه
نرجع لمحور حديثنا عن العيد
كنا نجمع دراهم ريالات وخمسات ووواو يالخمسين احس بقيمتها واحس اني بشري كل شي لان جدي الله يرحمه يعطينا كل واحد خمسين مو عيال ذا الوقت

اتكلم عن تسريحات الشعر
وواو يازمان كلللل بيت قبل العيد نسمع صراخ وصياح بنات من الحنا اللي بالشعر المشكله من جدتي لامي لبزراننا مابقى الا الشغاله يحنون شعرها
احس احد لاعب على حريم اول ان اللي ماتحني بناتها بيعرس عليها زوجها...
تتحول فجاءه الى كوفيرا تقوم تفرق الشعر من النص وتقص غره عاد تعالوا تشوفون اشكال البنات نص الراس غره وتبقى شعرتين من ورى
طبعا الاستشوار للكبار محرم علينا الصغيرات الا احيانا بالعيد
وبعد فتره الصبح ندور عالجيران ونستعرض بالطله المشكله نفرح لاحد طقم معنا فجاءه اتحول لصديقتها الصدوق لاصارت وحده تشبه فستاني

بفتره الظهر كل الحريم يشتغلون نادرا اشوف وحده مبوزه وحاطه رجل ع رجل وعالبي بي كلهم مدهرات حريم عماني بالغداء
واللي تحط دخون واللي تسوي الشاهي واللي تفرش السفره
وكانت حلاوى ماكنتوش اخقق شي لها طعم وش باتشي وش شوكلاين عندهاا طبعا كنت اتضارب مع اخواتي عالحلاوى الطويله اللي بماكنتوش
وفيه حلاوا بو بقر وحلاوا شي فيها عسل تحبها جدتي ..ومكسرات وطبعا يحطونها بصحن كان يخققنا هو مقسم ونضغط غلى شي وتنفتح من فوق مو عارفه احد فاهمني

تعبت برجع لكم اللي عندها اضافه تقولها لين ارجع