سقى الله ذيك الايام
انا حولكم بالعمر بس ما اعرف للتاريخ الهجري السموحة
بس اتوقع قصدكم الثمانينات نسميها بالكويت قبل الغزو
اتذكر ليلة العيد والسبوح من قلب ولازم جنة ونربطها وملابسنا جنب السرير
ونقوم القى ايديي متجبسة من الحنة وتحرقنا بالاول لمن نغسلها
اما نفنوف العيد الي صارت عقب بدلة قصــة
انا و خواتي نفس الموديل بس اللون يختلف ولازم مطقمين
وووووو
ياليت عيال هالزمن يحسون فيه ا

انا اذكر اذا طلعنا من البيت بعد مانكشخ ونطير في السماء من الفرح
علشان نروح بيت جدي ونزور الاهل نعايد عليهم من نطلع من باب بيتنا الى ان نوصل لبيت
جدي والبزران كل واحد كاشخ وفارش بسطته ويبيع هالكاكاوات والبطاطسات
والبضاعة الاكثر مبيعا في العيد حظ بورسلي هذا اللي يفقعونه بيدهم او حظ البالونات
اللي يختارون الرقم ويطلعون البالونة انا لما طلعت لي اكبر بالونة تشققت من الفرح واخواني وبنات خالتي حسدوني عليها
الله يرحم ذيك الايام الجميلة

تذكرون شختك بختك والا يوم العيد يجيبون برنامج مسابقات الحصن

حرام عليك حسسيتنا انها بعيد

انا كنت من مواليد الثمانينات ومراهقتي كانت مثل الحين واغاني وشعر بس الفرق الان فيه ايبود وماشابه واحنا نسمع الاغاني من الووك مان المسجلات الصغار والراديو حق سوا واغانيه هههههه

وصح لبس العيد مقدس مثل ماقلتي ههههههههه والعيد لة طعم

بس والله طفولتنا كانت حلوة ومااحسة بعيد مره ^^

آيآم حلووووووه