بسافر ل اهلي وبترك امه لحالها في البيت

مساء الخير ...


يااخوات انا مليت طقيت من زوجي وتصرفاته اول شي انا ساكنه بعيد عن اهلي في مدينه تبعد الف كيلو تقريبا، ومااعرف الا زوجات زوجي وهم ثنتين بس ، المهم امه جتني صار لها ثلاث شهور ولسى شكلها مطوله وانا والله حامل وعندي ولد ابو سنه ونص وشايلتها على راسي اصحى من سبعه الصبح تعرفون الحريم الكبار يصحون مع الفجر والله من الساعه سبعه وانا مجهزه فطورها وقهوتها وكل شي اسويه فوق الوحام والتعب وغير كذا متدينه ماتحب التلفزيون الا الاخبار ع القناه السعوديه بس وانا متحمله وساكته مع انه عندي تلفزيون في غرفتي بس احتراما لها لايمكن اجلس في غرفتي واخليها مع انها خلاص ماصارت ضيفه دام لها ثلاثه شهور ، بس الطلعه يابنات ابي اطلع محبوسه في شقه صغيره حتى الشمس مااشوفها ، ولدي مسكين طفل عنده طاقه لازم يطلع ويفرغها مسكين يقعد يصيح ويكسر الاغراض والموعين ماالومه والله ، حاولت اطلعها بس حرمه كبيره تتعب اذا مشت شوي غير كذا ماتحب الاسواق مره وحده وديتها ولحالي بعد وادفها ع العربيه وانا حامل وولدي ماسكته بيدي وولدها في الاستراحه اقول مشنا طلعنا يقول لا ، حرام امك يقول لا وهي تهاوشني تقول وش تبين بالرجال تبين تحبسينه بالبيت خليه يروح للاستراحه وينبسط بنات الخميس والجمعه ينام في البر وهي عادي عندها على قلبها زي العسل طيب انا وولدي ملينا طقينا تعبت نفسيا والله خلاص ماعاد اتحمل ، اخوي تخرج وسوو له حفله اهلي كبيره وانا ماقدرت اروح ، مرت اخوي ولدت وماقدرت اروح كل هذا على قلبي مثل العسل اهم شي ام زوجي تنبسط طيب ليش مايحسون فيني ولا يقدروني انا بعد ، اقول لها قومي ياعمه نروح مع اوبر ولا كريم للمجمع ونتقهوى تقول لا تعبانه مابي طيب انا بروح للسوبر ماركت انا وولدي ونرجع ع الاقل يتمشى شوي لو سوبر ماركت واول ماارجع القاها قالبه ومعصبه علي عشان رحت عشرين دقيقه بس للبقاله وقضيت للبيت ، وماتكلمني تخيلو طيب انتي قلت لك خنطلع قلتي لا ، طيب بروح انا وولدي للبقاله اللي جمب البيت ع الاقل نشوف الشمس بدال ماتقول مع السلامه وتدعيلنا القاها معصبه بس ولدها يروح ينام في البر لا تدعي له وتقول روح وتمش وانبسط ، والله لسى فيه اشياء ثانيه ترفع الضغط بس يكفي اللي قلته ، انا خلاص مليت قلت له اليوم ابي اطلع لستار بكس ودني نتقهوى ونرجع لان ام زوجي صايمه اليوم وهي اذا صامت تنام او تجلس في غرفتها ماتطلع وقت الظهر والعصر قلت له يالله طلعنا عمتي نايمه الحين قال لا اطلعي من الغرفه انقلعي تخيلوا كذا بس بدون سبب قلت ليش طيب تقهرني ليش قال بس يالله انقلعي قلت طيييييب والحين قررت اسافر ل اهلي واتركه مع امه بس حرام والله انها مسكينه بس وش اسوي ابي اقهره مثل مايقهرني وعارفه راح تجي كلها على راسي واولها سمعتي يعني تعبي خلال هالثلاث شهور ماستفدت منه شي وام زوجي راح تزعل مره بس وش اسوي