بسافر مع خوال زوجي وشايلة هم....

طبعا خوال زوجي من عادتهم يطلعون كلهم مع البعض لما يسافرون بس مشكلتهم مايتغطون عن بعض:06:

بداية زواجي طلعنا معاهم جدة وماكنت اعرف عاداتهم واستغربت اكون جالسة مع الحريم نتقهوي شوي بسم الله واحد من خواله جالس فصرت البس عبايتي والغطاء بالشقة ماانزلها جلست اسبوع علي هالحال تخيلو الحر والرطوبة كيف!!
ادخل الحمام بعبايتي اتحمم والبس والبس العباية واطلع اقسم بالله كاني خدامة:06:
وزوجي عادي مع بنات خواله يمرون من عنده يكلمونه ماعنده مشكلة وانا تنكدت في الطلعة لانهم يضحكون علي بالعباية وخواله يستضرفون دمهم معاي بس مااعطيتهم وجه والله كأنهم يكلمون جدار ماارد

طبعا زوجي رافض فكرة انهم ينفصلون ويقول ماتجين انتي تغيرين عاداتنا والمشكلة بنطلع بعد يومين سفر معاهم وشايلة هم قلت لزوجي ماابغي اروح مارضي قال انا مااجبرتك تكشفين عندهم لكن غصب تروحين كيف اطلع معاهم من غير حرمة مايصير ان بغيتك هناك وش اسوي


بنات شايلة هم الطلعة مررررررة وشايلة هم تعليقاتهم علي وماودي اصير زيهم
قولو كيف اتصرف البس عبايتي طول الوقت او كيف؟؟ واذا احد من خواله استضرف دمه معي وش اسوي ارد او اطنش؟