بسافر مع رضيعي جده والمدينه ايش نصائحكم

الجو في المدينه بارد
وطفلك صغييييير الله يحفظه لاااازم من الملابس الشتويه ،،،الاطفال يحسوو بالبرد قبل الكبار سبحان الله

انا من المدينه وعلينا برد مره بالليل والفجر اما الظهر والعصر الجو حلوو ودافي والمويا عندنا بارده مره حتى الظهر مادري ليش يمكن من المواصير
امممما جده ومككككه مادري عن جوهم بس اظن حررر ..
واهم شيء اهم شيء احذري تنسيه فراش ولدك .. خذي له مفرش ولحافين ..
وخذي ملابس ثقيله بس مو مره للمدينة .. الجو فيها متغير فجأه يجي برد يخليك ماتتحركين من مكانك وفجأه حررر تفصخين ملابسك الثقيله ..

خذيله ملابس برد وثلاجة مويه حارة لعشان تسويله رضاعات
دعواتكم يجيني اليوم طلق طبيعي

خوذيله كانك رايحه لبيت ثاني يعني كثرررررري ملابسه
الحليب خوذي علبتين وكيست حفايظ واذا خلصو بالصيدليات عاد بس عشان ماتوقفون
الملابس خوذي القطيفه والمخمل والله حنا القصيم اشد حر من مكه وجده بس لا قرب البرد تصير الاسكا
لذا من هالحين ملبسه عيال ملابس شتى مخمل وقطيفه بربتوز وبجايمهم الشتوية
وشراب
واذا طلعت برا لازم طواقيهم على روسهم وغطي اذانيهم

المهم تغطين وجهه البيبي لاطلعتي من مكان دافي لمكان بارد
يعني نزلتي من الشقه وجيتي تطلعين لشارع تركبين السياره غطي وجهه عشان الهواء البارد مايغير عليه الدفئ اللي تعود عليه بالشقه
زوجي يتطنزفيني لا جيت اركب يشوفي مغطيه وجهه ولدي الرضيع يقول كتمتيه واذا ركبت السياره وسكرت البيبان والدرايش شلت الطاقيه والغطا عنه
قلتله الدكتور قايلي غطي وجهه بالبرد عن الهواء لانه يكون طول الوقت يتنفس بالبيت الدفاء واذا طلعتي برا ينصدم بالهواء البارد فيصاب بالانفلونزه واللتهاب الحلق

كذا اختي تسوي ببنتها تغطي وجهها لا طلعت من البيت وركبت السياره
زوجها مايعترف بهالشيء اخذها مره بنته ولا غطا وجهها نزل فيها على طول للشارع وهي مكشوف وجهها زكمة على طووووول والتهب حلقها وصخنت

وخوذي معك فازلين كثير قالولي امسح خشم وتحت الخشم بفازلين عشان يقلل الهواء البارد
واشرب البيبي ماء قبل ماطلع مع الباب عشان حلقه يصير دافي واذا شربتيه ماء قل دفئ الحلق فماينصدم ببراد الجو لاطلعتي فيه


خوذي معك فيفادول وشفاط
وبطانيات للبيبي
وعربيه للبيبي
اقولك كانك رايحه لبيتك ههههههه اغراض البيبي اكثر من اغراض الكبار لانه التغغير الملابس باليوم يمكن ثلاث مرات على الاقل
يمكن سربت حفاظته يمكن كب شيء على ملابسه الخ

بائعه المسك
ماشاء الله عليها ما قصرت