بسالكم هل في مرض او حاجه مو كويسه شوفوا قصة حياتي

مساء الخير
بقولكم شخصيتي وصفاتي وانتم حددو وش فيني علة
متوسطه الجمال
طويله
اهتم بشكلي دائم حواجبي شعري قصات وصبغات وكذا
جامعيه معي بكالريوس عربي
ثلاثينيه
قمحيه
متوسطه البنيه ماني دبا ولاني نحيفة
ماعندنا شغاله يعني كل شغل البيت علي وانا واختي
من يوم اول متوسط وانا ماسكه المطبخ واحب التنظيف
طباخه بالاكل السعودي بالذات والكل يشهد لي
حساسه رومانسيه احب الهدوء
بالمقابل اسكت اسكت واكتم جواي وبالاخير انفجر ويمكن اغلط على احد
متسرعه
عشوائية احيان
ماحب الروتين
احب البحر
اذا زعلت أكتم واحيان افضفض واجيب العيد
كنت اكتب خواطر بس من زمان ماكتبت
حاليا احس عظامي كاني عجوز
احب الحر وأتعب من المكيف
صرت حزينه
من شاف وجهي قال وش الهم اللي في
شعري بعضه شاب
احب العزله
قمت احس بالخداع من اقرب الناس
اخاف من بكره
تجيني ضيقه كثير قبل النوم
مرات احلم بحيايا وعقارب وفيران
او احلم اني اتزوج او احد يخطبني
ويجيني بالحلم طليقي كثيرر
بأيام العده كنت احلم ان في شغاله تجمع سحر او تسحرني

يجوني خطاااب كثير قبل طلاقي من طليقي يمكن ازود من عشرين واحد بس مايتحقق
وبعد طليقي جوني اثنين وبعد ماتم
احيان ماحب اسمع قران بس اظغط ع نفسي ولاسمعت تجيني ضيقه
بس اجاهد نفسي
عندي ذنوب احاول اطلع منها وقاعده وربي اجاهد نفسي عليها
لما تزوجت طليقي كنت اكرهه من اول يوم وعجزت احبه لاني انصدمت فيه وكرهتهه
كنت احس بالضيقه لأقرب مني
وتجيني وساوس دايم فيه وفي حياتي وأفكار سلبيه معه
لما تطلقت تدمرت نفسيتي بس اعتبر احسن لما كنت متزوجه
بصراحه ماكان مهتمه بنفسي زيي اي عروس ولا اهتم بمضهري مره
تطلقت صرت اهتم وانكشخ واضحك وتفسيتي تدمرت لأنني حبيته وصدمني وخانني
بس الل اعتبر احسن من يوم كنت معه
حاليا عند اهلي ومعي ولدي
تقولون فيني شي ولا بس وساوس
ساعدوني مشكورات