بسببكم يابنات حواء ماراح اكل من اكل احد برمضان!

انتم السبب يابنات حواء ماراح اكل عند أي وحده
واي احد يرسل لي اكل برمضان ماراح اكله
والسبب اني دخلت اقسام الطبخ ولقيت امم وجموع تفرزن كل الاكل وكل شي
ويطبخونه قبلها ب25 يوم!!!!!!!! ويحطونه بالفريزر
ويخزنون طباخ بالشهور
الصراحه انصدمت كيف يعطون الاكل هذا اطفالهم ولاتقولون الطعم مايتغير الا يتغير
حتى لو ماتغير تراه ضار جدا جدا وسووا بحث وشوفوا خصوصا الاكل المطبوخ
وانصحكم تبحثون وتشوفون امراض السرطانات وغيرها اللي يسببها هالاكل
قريت بالملف فطاير مخلصه من الفرن وصواني مكرونات ومدري ايش حتى البصل فرزنوه
بزيته والحجه هي رمضان للعباده!!!!!!!!!!
وتلقين الهدف الزيارات والاسواق وغيره وحتى لو قصدك للعباده
ممكن تقللين الاكل اصلا حرام اللعب بالنعمه وسفره مليانه ومحد ياكل
عن جد بديت افكر ان العزايم والاكل اللي يرسلون الجيران ممكن يكون مطبوخ من اول شعبان!!!!!!!!!!!!
لا والادهى في بنات بس هي وزوجها ورضيع ويفرزنون كل شي
وناس تقول الشوربه لخمس ايام بالثلاجه استعملها!!!!!!! معقوووووووووووول :09:
والله العظيم هالسالفه صارت قدام عيني ان واحد قال بشتم عن مرت اخوه لرجال ثاني فلانه اللي شوربتها اسبوع بالثلاجه!!!!!!
واللي بتقولي في همبرجر وبطاطس مطبوخ مجمد بالهايبر تشرونه وهي نفسها بقولها لا هذاك عليه مواد حافظه تحميه من التأكسد وبنفس الوقت هي مواد مصرح بها من منظمة الغذاء العالميه والناس اللي يستعملونه مره او مرتين مو كل اكلهم مفرزن وغير محفوظ
ادري ان في بنات بيزعلون والظاهر الكل بيزعل بس عن جد الاطفال مالهم ذنب ياكلون هالاكل !!!
اذا سويتي الاكل الظهر وجيتي سخنتيه الليل مالك نفس تاكلينه كيف مسوى من ايام واسابيع وشهر!!!!!!!
(صوموا تصحوا) الهدف الطبي من الصيام تطهير الجسم والكبد والكلى من السموم وخاصة اذا افطرتي افطار صحي وخفيف
اما طريقتكم هذه خطيره وتجيب كل العلل وماستفدتوا من الصيام وهو التخلص من سموم الجسم كلها على مدار السنه!
الموضوع قابل للنقاش ؟ ودمتم