بسبب الابتسامه دفعت الثمن غالي

انا تدربت في جامعه وكنت اضحك بدون سبب ماكان ضحك بصوت عالي فقط ابتسامه طول الوقت
وفي يوم من الايام معلمتي صرخت وجهي وكانت تعاملني طول الترم معامله سيئه ويشهد ربي اني لم اقصد الاستهزاء أو الضحك عليها
انا طبيعتي احب الضحك وحاولت افهمها أن هذي طبيعتي لكنها لم تستمع لي
ونفس ماذكرت انها عاملتني معامله سيئه جدا
لدرجه انها وضعت لي اسوء الدرجات وكانت كل مره اطلب منها أن اسوي الأشياء المطلوبه مني كانت ترفض وماتعطيني وجهه
وجا نهايه الترم ووضعت لي اسوء الدرجات وغير الإهانات اللي تهينني أمام المعلمات طول الترم وأمام زميلاتي
كانت تقول لي انتي ولا شي انتي كل المعلمات يقولوا ماتعرفي شي انتي كسلانه وانا مش نفس ماتقول
الحمدلله معدلي التراكمي فوق الاربعه من ٥
المهم كل يوم اصيح بسببها واروح في الشمس واجلس اصيح طبعا نتيجه الشمس الحارقة والنفسيه طلع في جسمي بهاق في يدي ورقبتي
وطلبت من المعلمه الثانيه أن يتم نقلي
بسبب المعلمه وايذاءها لي
وبالفعل تدخلت المعلمه وكلمت معلمتي والحمدلله غيرت من اسلوبها معي
لكن الشي اللي ضايقني أن المعلمه الثانيه اذاعت بين المعلمات الآخريات ماحدث لي
وانتشرت سالفتي بين الجامعه كلها
بسبب ضحك ماكنت اقصده ابدا
وماكان ضحك بصوت عالي كان فقط ابتسامه ودفعت الثمن غالي لاني بس ابتسمت طول الوقت
وتغيرت معاملتها معاي على نهايه الترم للأفضل ووضعت لي افضل الدرجات
لكني لم استطيع ان اسامحها ابدا بسبب ايذاءها لي
وبسبب البهاق اللي صار لي بسببها
كل يوم اشوف ايدي كنت أبكي من البهاق
وكل ماذكرت انها السبب في اللي صار لي ادعي عليها
لأنها تعبت نفسيتي وخلتني كل يوم اصيح بسببها
وكل يوم من مستشفى إلى مستشفى اعالج البهاق
وكل جلسه ب ٥٠ ريال
طبعا ٣ جلسات في الأسبوع ١٥٠ ريال
وتخرجت من سنتين من الجامعه وللحين إذا شفت يدي وتذكرت اللي سوته فيني ادعي عليها
وتزوجت وانا فيني بهاق لكن ماكان حييل مبين وقت الخطوبه مالاحظوا أهل زوجي
وفجأه بدأ ينتشر في يدي ولا حظوا علي اهل زوجي وطبعا ماقاموا يسلمون علي كلش يخافوا ينتقل لهم
وهذا غير إذا زرتهم يجرحوني بالكلام
وانا فقط جالسه وادعي على المعلمه
شلون اتخلص من هالشي
ماابي اتذكرها ولا ابي ادعي عليها
ابي افتح صفحه جديده مع ربي خاليه من الحقد