بسبب الفلوس تدهورت صحتى..!!

:26: بسبب الفلوس تدهورت صحتى..:26:

اهلا وسهلا بيكم انا بئر الحب قليل ما اشارك بسبب صحتى المتدهورة بس اليوم ياخواتى اسمعوا موضوعى المؤلم.انا متزوجة من 4سنوات وربى لم يرزقنى بالخلف الصالح؟ قبل شهر قررت مع زوجى بالسفرالى الأردن للفحوصات وعند وصولى الى مستشفى فرح التخصصى استقبلونى احسن استقبال وعملوا لى الفحوصات اللازمه بعد النتائج اخبرنا الدكتور يلزمنا التلقيح الصناعى والنتيجة ممتازة وافق زوجى وكان اسعد انسان فى الوقت نفسة عملولى برنامج رصد الاباضة عبارة عن منشطات (حقن)كل يوم لحد ما تكبر البويضات وعندما جاء وقت عملية سحب البويضات عطونى موعد وقبل الموعد طلبوا فحص الدم الاخير عملتها بس لم يخبرونى بالنتيجة ودخلت العملية وتم سحب البويضات بعد ذالك ذهبت الى الفندق وكنت اتألم كثيرا وكنت لااقدر على التنفس اليوم الثانى رجعت المستشفى قسم الطوارئ
وتجمعوا كل اللأطباء وعلى وجوههم علامات اللأستفهام؟ دخلونى غرفة العمليات وعملو فتحة فى بطنى بدون اى سبب .السبب ياخواتى قبل عملية السحب كان عندى التهاب فى الرئه وكريات الدم البيضاء مرتفعه ودكتور البنج لم يوافق ان يخدرنى تجنبا لاصابتي بالمضاعفات ..ولكن الدكتور السابق ....قررالعملية وعندما دخلت البنج فعلا اصابتنى مضاعفات ..يعنى دخلت البنج مرتين يوم السحب ويوم فتح البطن بدون سبب بعد خروجى من العملية الثانية كنت تعبانه جدا وعندما وعيت كنت فى غرفة العناية القصوى وكل اجهزةالتنفس عليّ وكل الطاقم الطبى حوالى اما عن زوجى فكان منهار كليا لايستطيع الكلام ..

كنت بعد ذلك 7ايام فى العناية القصوى وبعد 7 ايام فى الجناح فى ديرة غربة لااحد يرحم والكل يهمة الفلوس .. ولعلاج اصبح صعبا لن صحتي تدهورت والمبلغ طار كله لان كل الحدث لم يكن متوقع !!!
خواتى كل الغلط كان من الدكتور همة الفلوس وبس!!!
قبل خروجى من المستشفى كان مبلغ 70000 ريال الصراحة انصدمت من المبلغ وما كان عندنا المبلغ بس والاهل في ديرتي قاموا بالواجب ورجعت ديرتى وانا في اسوأ حال بس اشكر ربى الكريم انى الحين بين اهلى واتمنى من الخليجين لايتسارعون بالعلاج خارج الديرة لان الكل ماديين عندهم الفلوس اهم من صحة المريض وهذة هي قصتى .


والله المستعان