بسبب بعض مواضيع هالقسم رحت لدكتور نفسي والحين كلمت شيخ شوفو وش قالي؟

السلام عليكم ورحمة الله وبركاته


خواتي انا بدخل بالموضوع على طوووووووووووووووول


انا بسبب هالقسم جتني حالة انهيار بصراحه كل يوم خبر عن كارثه ولا مصيبه ونقول الحمدلله<<<ادري محد غاصبني ادخل

بس عجزت الفضول ذبحني تشد انتباهي هالمواضيع:42:


بس كله كوم واللي يجيبون مواضيع عن الساعه والعلامات كوم ثاني


بالاول قالو مرض انفلونزا الخنازير والزلزال من علااااااااااااااااااامات الساعه؟؟؟ انا انهرت ورحت لدكتور نفسي لان بالليل تجيني ضيقه وابكي واخاف واتوتر وكان ملتزم وقالي يابنتي العلامات واضحه ومحدده مافيها اللي تقولين

المفروض عيسى من يذبح الخنازير مو البشر يبيدونها ؟؟؟؟؟؟؟؟؟

والزلزال هذي من العلامات الصغرى المكرر حدوثها ووقوعها ومن زمان ومعروف العيص ان فيها بركان مدري زلزال من الالف السنين بس يمكن اول مره تهز هالهزه القويه وهذي عوامل بيئيه؟؟؟؟؟؟؟؟؟؟؟؟



سكت وهديت وحتى كتب لي حبوب منومه ورفضت اخذه خلاص ارتحت والحمدلله

هالكلام من شهر 8 او 7

المهم انه الحين جتني هالحاله بس اشد من اول؟؟؟؟؟؟؟؟؟؟؟؟؟؟؟؟

وبسبب اللي صار بجده<<<<<< قالو هذا الخسف وانها بتصير كلها بحر وهذي علااااااااااااامه:eek:

وقالو الحرب هذي الفتنه اللي من اليمن من العلامات وايران بترسل علينا قنبله وبتبيدنا ويرجعون الناس للخيام والخيول ويغزونهم جوج وماجوج:eek:


واخرتها طلعت لي وحده بموضوع بحيرة طبريه اللي بالاردن مدري فلسطين انها بدت بالجفاف وهذي من علامة خروج الدجاااااااااااااال:o ويقولون ان من يشربها هم جوج وماجوج؟؟؟؟؟؟؟؟؟؟؟ مدري كيف تنشف وترجع فيها مويا يشربون منه ولا كيف؟؟؟؟؟؟؟؟ لان هم من يجففوها؟؟؟؟؟؟؟؟؟؟؟؟؟



انا عاد عقب هالسوالف خلاص جتني نفاضه بجسمي حسيت الموت قرب من عيوني


الحمدلله انا مؤمنه وادري ان الكل بيموت بس اشياء ترعب الانسان غصب

لدرجه اهملت بيتي ونفسي ومذاكرتي بس قلقه وافكر ومكتومه واحس خلاص الدنيا انتهت وانتظر بكرى وش بيصير ياربي ترحمنا برحمتك يارب



وكلمت الشيــــــــــــــخ (عبدالعزيز السويدان ) اليوم قبل شوي الله يجزاه الجنه يارب


وقلت لها قال بقولك كلمه؟؟؟


العلامات والقيامه اكبر مني ومنك ومن اللي بيجي بعدنا اننا نتكلم ونحدد وقتها الرسووووووووووووووووول اللهم صلي وسلم عليه افضل الخلق ماعرف وقتها

وبعثته من علامات القيامه وعشنا بعده 1500سنه

لو فيه احد بيعرف علامه من هالعلامات متى بتظهر عرفها الرسول مو كل من هب ودب وكتب بهالنت؟؟؟

وقالي اتركي هالسوالف وابعدي عنها<<<< لاحظو ماقال شوفيها واتعظي؟؟؟

يقول فيه للعظه اشياء كثيره غير التخويف والترهيب بما لانعلم


وقال اعملي لانك ماتدرين متى تموتين واذا على العلامات يااختي ((وربي بالحرف الواحد قالي))) ((( الصغرى ماظهرت كلها كيف بالكبرى تظهر؟؟؟؟؟؟؟؟؟؟؟؟؟؟))))))

قالي اتركي هالخرافات


هو صح ماقال هالشي بعيد بس قال مانتكلم بشي مو بعلمنا

وقلت وهالبحيره نشفت ومدري هالكلام قال يااختي من يقول عوامل بيئه ويربطونها بالاحاديث


انا ماجبت كلامه نصا بس هذا اللي فهمته وريحني ربي يريحه دنيا واخره


لاهو ولاحنا ولاغيرنا مليون عنده علم بوقت الساعه وقيامه


لاتجون تفلسفون علينا اللي تقول 2012 بتظهر علامات وتنتهي الدنيا

واللي تجي حالمه انها بتنتهي الدنيا

واللي تقول بحيره واللي تقول اللي بجده خسف


اتقو الله

ادعو البنات وذكروهم من دون تخويف وترهيب


انا الحين اقولكم يابنات صلي الفجر وحطي ببالك انها اخر صلاة لك يمكن ماتصلين غيرها تدرون ليش

لان مانضمن اعمارنا نطلع لدوامتنا حنا نرجع ولا لا

مو تشااااااااااااااااااااااؤم لا بس ماندري عن المكتوب وخلو الموت بين عيونكم


ذكرو البنات بالصدقات بطريقة الخشوع بأشياء كثيره بدون ماتقولين طلع الدجااااااااااااااااااااال:eek::angry2:


اه بس وش اقول وش اخلي انا يشهد ربي مازليت بحرف وهذا اللي صار

واتمنى من قلبي تريحون روسنا من مواضيع علامات القيامه ولاتفتون بشي ماتعرفونه ارجوووووووووووووووووووكم

:(

والعلامات واضحه ومحدده ابحثي بقوقل تلقينها من مواقع اسلاميه معروفه

واللي يصير بالدنيا من فيضان وحروب وزلزال وغيره يمكن تنبيه لنا من ربي ورحمـــــــــــــــه

يبينا نرجع له بالدعاء ونتذكر انه فيه عزيز قوي جبار


(ان الله لايعذب قوما فيه مستغفرووووووون) اكثرو من الاستغفار


واكثرو من الدعاء لان الدعاء يرد القضاء <<<فيما معناه


وتذكروووووووووووو ان ربي ارحم فينا من امهاتنا

يارحيــــــــــــــــــــــــــــــــــم ارحمنا واغفرلنا وتب واعفو عنا وادخلنا جناتك بلا حساب ولاعذاااااااااااااااب


ودعواتكم لي بالذريه الصالحه

وان ربي يشرح لي صدري


قبل انسى بذكركم ترى سورة الكهف( تنجي من فتنة المسيح الدجال) بأذن الله

لاتنسون قرائتها وحفظها الافضل


والسلام عليكم ورحمة الله وبركاته:26: