بسم الله الرحمن الرحيم
السلام عليكم حبيباتي...
حبيت أكتب لكم شو اللي صار معاي بسبت الدكتور...
أنا حامل في الشهر الخامس، الشهر اللي طاف سوت لي الدكتوره فحص للسكر وقالت لي بعد تحليل الجلوكوز ارتفع عندي السكر وصار 250 يعني مرتفع واااااااااااااايد وقالت لازم احولج على استشاري باطني مع الدكتور (.......) المهم رحت للدكتور من غير ما ينومني بالمستشفى ويشوف الجرعة اللي تناسبني قال لي بعطيج ابرة انسولين تاخذينها مرتين باليوم عشره الصبح وعشرة بالليل
ما كملت إلا اسبوع ونص وحسيت برجفة وتعب وقلت لازم اشوف الدكتور مرة ثانية.. ما حصلت الدكتور وشفت دكتوره ثانية ولما شرحت لها شو اللي صار معاي، يزاها الله خير عطتني جهاز لفحص السكر وقالت لي خذيه وسجلي كم السكر عندج قبل الاكل وبعد الاكل بساعتين.. وراح اخفف لج الجرعة، خليها 8 بالليل و10 بالصبح..
واليوم الثاني والحمدلله انها خففت لي الجرعة ولا كنت بموت يمكن، قست السكر وكان ناااااااااااازل وصاير 66 النسبة,, وفوق هذا رحت وخذيت الانسولين ورحت الدوام.. وفي الدوام شو اللي صار معاي.. هبووووووووووووط ورجفة وتعب وحاولت اقيس السكر مرتين وما قدرت من كثر الرجفة.. رحت وخذيت لي شوكولاه وتفاح عشان يرتفع السكر وترخصت من الدوام، وعلى طوووووووول عند الدكتور... ولما عرف شو اللي صار معاي دخلني المستشفى تحت الملاحظة، وبالأخير عرف اني ما احتاج لإبرة الانسولين وقال لي لا تاخذين الأبره...
والحمدلله اخت زوجي دكتوره صار لها سنه تخرجت وكانت تقول لي المفروض الدكتور ينومج بالمستشفى وعقبها يقرر اذا تحتاجين الابره ولا ما في داعي لها,.. مو على طول تعال وخذ
والحمدلله الحين أنا أحسن بس بعد مافي انتظام بالسكر يعني يا مرتفع او نازل...
بس حبيت اكتب لكم شو اللي صار معاي حتى لا سمح الله إذا اي وحده حامل والدكتور طلب منها تاخذ ابره الانسولين، ينومها بالمستشفى يومين ويشوف اذا كانت فعلا تحتاج أو ان شاء الله ما تحتاج...
أدعوا لي
أختكم أم حمدان
يلزم عليك تسجيل الدخول أولًا لكتابة تعليق.
غزيل فله
•
ما تشوفين شر حبيبتي
الصفحة الأخيرة