بسبب زوجي رجولي كانت حتنكسر

راح ادخل بدون مقدمات لان الكلمات تعجز عن وصف اللي انا فيه , زوجي يعطيني مصروف كل شهر ماراح انكر الحقيقه
ومن يوم تزوجني زوجي وانا جسمي مليان شافني بالنظره الشرعيه وشاف جسمي انه مو نحيف
مو مقصره معه مكياج ولبس واهتمام وطبخ وابتساااااااامه وحقه بالفراش اللهم لك الحمد قد ما اقدر ما اقصر
زوجي ذبحني ذبحني ياناس بس يدخل البيت اصير اركض ركض والهث لهث الله لايوريكم بس ولا يذوقكم اياها
بوصف لكم وانتم احكموا انا زوجي طبيعي ولا يبالغ ؟ وهل الرجال زي زوجي ولا زوجي مختلف؟
بس يدخل البيت يقول السلام عليكم حتى ماينتظرني ارد السلام يقولي خذي الاكياس هذا حطيه بالثلاجه وهذا بالفريزر ,هذا حطيه مع الاكل الان لاني اكون مجهزه الاكل ,اقوله طيب هات الاكياس وانا ارتبها بطريقتي يا اخوات انا زوجة وهذا بيتي اكيد اعرف هذا وين ينحط وهذا وين صح ؟ واثناء مايأمرني حطي هذا وودي هذا يسألني ها الاكل جاهز؟ اقوله كنت ابي اسخنه ماعطيتني فرصه الله يهديك عطيتني هالاغراض يقول طيب بسرعه يلا سخني الاكل اروح اسخن الاكل واحطه
وبس احط الاكل لاااااااااااااااااااااااااااااااااازم يخترع اي شي عشان اقوم واتعب يقولي مممممممممم مشتهي فلفل اقوله ابشر احط الملعقه واقوم اليوم الثاني يقولي مممممممممممممم مشتهي كذا اقوم اجيبه
والله ثم والله ثم والله مرات اكون رايحه راجعه والاكل عالسفره
خلاص خلصنا اكل وشبعنا ؟ يقولي قومي شيلي الصحون والسفره و لسه زوجي ماغسل فمه ويدينه من الاكل يأمرني روحي جيبي الاوراق و سوي قهوه او نسكافه اقوله طيب
اسويله النسكافه احطه عالطاوله بنفسسسسسس اللحظه يقولي جيبي الاب توب اروح اجيب الاب توب يقولي اووووووه البطاريه بتخلص هاتي الشاحن اروح واجيبله
شوي يادوب اخذت نفسي من الغدا والشيل والحط يقولي هاتي الشي الفلاني اللي عالطاوله اروح اجيبله شوي هاتي الشي الكذا
يجي وقت العشا اذا جاب من بره نفس الحاله احط السفره اذا اكلنا وخلصنا مايعطيني فرصه والله العظيم اني اغسل يدي على طووووووووووول اوامر هاتي هذا ودي هذا جيبي روحي طلعي الشي الفلاني
وبالنسبه لملابسه استغرب الناس يخصصون ايام معينه للكوي وغسيل الملابس ,متخيلين انو الغسيل والكوي يشتغل عندي كل يووووووووم ؟ ومافي الا انا وهو ؟ لان ولدي لازال عمره سنه
بتقولون شلون اقولكم ذبحني ثيابه وملابسه الداخليه معلقه بالدولاب عمره مافك الدولاب ومالقى لبس ومع ذلك يوميا يوميا يوميا اسمع هالنغمه اللي دمرتني : لاتنسين تغسلين وتكوين الثياب والداخلي كل يووووووووووووووووووووووووووم يقولي هالكلمتين لين انغثيت خلاص الغبنه ذابحتني
لنا سنتين متزوجين وداخلين عالثالث كل يوم اسمع هالكلام لاتنسين تغسلين لي ثياب وداخلي وتكويهم
تبون مصيبه ؟ لو فتح دولابه ولقى كل شي مكوي وهذا يوميا يكون طبعا ,يقوم يقولي فلانه غسلي اللي بالسله اقوله كويت لك الثياب والداخلي يقول ادري بس مايمنع تغسلين اللي بالسله وش بتخسرين؟ ويناظرني اني كسلانه
طول يومنا هاتي ذا ودي ذا جيبي ذا
اشغالي وبيتي وعارف اني اسوي شغلي لكن اذا ما امر وازعجني مايرتاح وربي يااخوات قلب المؤمن دليله احسه ينتققققققققم مني مدري من وشو؟ هل بسبب جسمي؟ مستعده انحف لكن ليه هالنذاله اخذني وهو عارف اني كذا الحين يبي يطلع عيني؟
تخيلوا يطلب مني اكثر من طلب بنفس اللحظه .. اليوم طلب اكل وقالي تعالي كلي قلت ما ابي قال طيب دام مابتاكلين سوي الشغله الفلانيه كلفني بشي اسويه للصاله وهو قاعد ياكل وانا مابعد خلصت قال يافلانه بعدما تخلصين سوي كذا قلتله طيب شوي شافني وانا اسحب انبوبه الغاز قال خلصت الانبوبه؟؟ قلتله ايه قال بعدما تخلصيين سوي كذا (طلب مني ثلاث شغلات بنفس اللحظه وفوقها قاعده اسوي انبوبه الغاز وهو شايف)
ادري بتقولون لي ليه ماتكلميه ؟ اقولكم خلال هالسنين واجهته مرتين بتصرفاته ومبالغته بالطلبات المتلاحقه واللي المفروض هي شغلي وبديهي بسويها عصصصصب وقعد يومين زعلان قال وش فيها لو نبهتك؟ قلتله بس انا ماقصرت وانت عارف , قال ادري بس زيادة الخير خيرين لكن انتي ماتبيني اكلمك لانك ماتبين تشتغلين انتي هذا اللي معصبك اصلا
ياناس يابشر قسم بالله عمري ما خلصت اكلي واسترخيت لو ثواني حتى! اصلا بس يشوفني حطيت الملعقه يسألني شبعتي؟ اقوله ايه يقولي سويلي الشاهي ! مرات قليله اقوله طيب اصبر خمس دقايق بس واسويلك يعصب يقول مااااااااا ابي شاهي خلاص مانبي وينقلب وجهه
من اللحظه اللي يدخل فيها زوجي للبيت ابدأ اركض لانه هو متعمد وهذا اللي يبيه مايبيني اخذ نفسي ابدااا
والمفاجأه انه قبل لايدخل البيت يتصل علي جهزي كذا وكذا بس اوصل يكون الشي الفلاني جاهز ويدخل البيت يلقى كل شي جاهز يبدأ يخترع لي طلبات ثانيه ودي وجيبي وحطي
قبل سنه زوجي سافر للعمل وبيوم رجعته اتصل علي وقالي موعد وصول طيارتي الساعه كذا ابيك تجهزين الثوب الكذا تكوينه وتخلينه بالدولاب وابي نسكافيه وابي تجزي الفلاش ميموري وتحطينه فوق الطاوله وابي وابي وابي وابي سكرت السماعه بكيييييييييت لين قلت بس , عظامي تكسرت خلاص مايحب يشوفني قاعده يموت قهر لو شافني قاعده
احيانا يمر يوم كاااااااااامل ما اقدر افتح الواتس ولا الانستقرام لو حتى نظره مقدر من كثر ما زوجي يشغلني
قبل اسبوعين رحت عند حولتي وكنت لابسه شوووووي قصير تحت الركبه وبس سلمت وجلست اخوات زوجي وعمتي صاروخوووا فلاااااااااانه بسم الله وش فيها رجولك ؟ قلت وش فيها؟ قالوا مورمه وتبي تنفجر ثنتين من اخوات زوجي يقولون لالا رجولك مو طبيعيه جات وحده منهم دخلت اصبعها برجولي صرخخخخخت حسيت بألم مميت قالوا شفتي؟ رجولك مو طبيعيه
سكت ولا علمتهم ولا حتى علمت زوجي
كل يوم يزيد ويزيد وطلباته المتلاحقه ماتخلص
حتى امي واخواتي كلما رحت لهم قالو رجولك مو طبيعيه وش فيها؟
وبعد كل هالركض طول اليوم يجيني اخر اليوم يبي حقه الشرعي ! مايتناااااازل يعني ماني مرتاحه وهو صاحي ولا مرتاحه وهو نايم تدرون اضطر اتحمم عشان صلاة الفجر وانشف شعري وهاتك يامشوار بعد مشوار النهار ااااااه خلاص تعبت ياناس رجولي وظهري تكسروا تكسير من هالرجال
سكت سنه وسنتين والحين داخلين بالثالث خلااااااااااص بديت اتعب
وخصوصا بعد الحمل والولاده وزني زاد رجولي ماعادت تتحمل طلباته (الكثيررررررررررررررررررررررررررررره والمتلاحقه )
وربي تفاصيل كثثيره نسيتها تعبت تعبت تعبت
اليوم اجازه وهو شيطانه يزيد بالاجازات قمت الساعه 11 الصباح وماجلست ولاذقت طعم الجلسه ع الكرسي من الساعه 11 وهو طاحني طحن هاتي ودي سوي افعلي قومي روحي تعالي
سكت سكت سكت وماصدقت انه يقولي بنام دخل الغرفه لقيها مرتبه ونظيفه كالعاده
المهم اخذ حقه الشرعي وانا بداخلي ابكي بكاء لاني من 11 وهو طاحني طحن
اخذ حقه الشرعي وقالي رتبي الفراش مره ثانيه ابي انام رتبت الفراش قام و حط راسه و اكتشف ان بطارية الساعه متعطله (زوجي يعتمد عالساعه لصحيانه من النوم) قالي روحي جيبي بطاريات رحت ابي اجيبها وصار المتوقع رجولي التــوت جاها زي الكهرب فجأأأأأه وماتصدقون طــــــــــــــــــرت من مكاني رجولي خلتني اطييييييير والله ياناس طرت لفووووووق وطحت عالارض ورجولي ملتويه رحت زحف عالكنبه وسويتلها مساج والان اكتب لكم وهي مصابه وزوجي ماقتلته لانه بيقول كسلااااااانه وماتبين تشتغلين
ملاحظه بسيطه: زوجي دايم يشتكيلي من مديره وتصرفات مديره, تصرفات مديره معاه , هي نفسسسسسسسسسسسس تصرفاته معي بالضببببببببببببببط!

ومره قلتله ترى الشغل اللي ينهك الحرمه ويهد حيلها لهدرجه مو واجب شرعا , الواجب عليها تشتغل بس بحدود قال والرجال يطلع بره ويكرف ويصرف عالبيت؟ انا سكت ماعرفت ارد

طيب كل الرجال يشتغلون ويصرفون , هل يطلعونها من صحة حريمهم كذا؟؟؟؟؟؟؟؟

حبيت افضفض الغبنه ذااااااااااااااابحتني ذبح

واجهته مرتين او ثلاث وصارحته بأعتراضي رد علي رد صاعق : قال اجل لو انتـي موظفه وش بتسوين ؟!!!!!!!!!
وش رايكم ؟