بسبب زوجي صرت ابدا اكره زواجي و عيالي

مرحبا .. اجمل شي ان المنتدى موجود
خاصة ايام الحظر ع الاقل نلقى احد نسولف معاه باريحية
سواء عنا او عن اوقاتنا و مشاكلنا و كذا


المهم


انا متزوجة تقريبا لي ١٠ سنوات
و عندي بنت و ولدين


انا و زوجي مختلفييين جدا
يعني تفكيرنا مختلف، فهمي مختلف، طريقة تربيتنا للعيال مختلفة و اغلب الاوقات تصير تصادمات بينا في القرارات ...


شخصيتي اقوى عنيدة ع الشي الصح يعني شي غلط خلاص غلط لكن المشكلة وين؟ ان لما اقول هذا شي غلط! يجي يعاكسني ... اهم شي عنده انه يكون مختلف عني حتى لو كان غلط ما يحب يتفق معاي ابدا ...


في فروقات بينا و انا متاكده ان هالفروقات هذي هي اللي تحكم تصرفاته معي
انا كنت موظفة بوظيفة في مكان مرموق و طلعت اكمل دراستي و اتخصص في مجال وظيفي مرموق اكثر
عشان اامن اعيالي بيت و مصاريفهم و حياة كريمة
و هو سايق في شركة
انا ابدا ما اشوف هالشي عيب
في نظري دام انه يصرف بالحلال فمو مشكلة ابدا
لكن هو يشوف الفرق يركز ع الفرق يقااارن


احس ايام الحجر وضحت لي اشيا كثيرة عن شخصيته
المهم ما اطول عليكم
هالاختلاف هذا مخلي عيالي يعيشون في تذبذب
يعني في اشيا احط لها قوانين و العيال يمشون عليها زي الفل
بس لما اهو يحظر! لا تنقلب الايه لانهم يدرون عنه بيعطيهم اللي يبونه بس عشان يوريني كلمته هي اللي تمشي حتى لو غلط


مثال: يا عيال رح اشغل لكم اليوتيوب بعد ما تنظفون غرفتكم .. العيال يرتبون على حسب مقدرتهم! يجي الاخ في الايام اللي بعدها و يشغل لهم بدون ما يطبقون شرطي!


مثال٢: يا عيال الالعاب لا تطلع من غرفة الجلوس
يجي يطلعهم و يقول غرفة الجلوس لي و تصير الشقة حوسة
اقول لكم مشكلته دايما يمشي عكس التيار في كل شي لحد ما يوصل مرحلة الغباء في قراراته


ما ودي اقول عنه كذا بس هو يحط نفسه بمواقف ما لها داعي و الله ...
الشي الثاني: بنتي الكبيرة عمرها تقريبا عشر سنوات .. يعني دايم ينقد عليها داايم في اي شي
قاعده تاكل البنت في امان الله تشوفينه يبدا موال الانتقادات ما تتهنى بلقمتها
انا شديده عليها في بعض الامور بس اتغافل عن بعض الامور


لكن بسبب كثرة نقده علي و عليها و كثرة المقارنه و كثرة مخالفاته لاي فكره بس عشان يثبت نفسه
كرهتني العيشه معه ... صرت احب اكون بعيده حتى باكلي و الله و المشكلة اني صرت بعد قاسيه يعني احط حرتي في العيال، لانه ينقدني فيهم بعد


صرت اتحسف اني تزوجت لكن بداخلي! لكن هو لا يحط بحالة الواتس اب مثلا" عزوبي او متزوج، خلو الواحد يقرر كيف يتحسف "
يحاول انه يتعاون و لكن و الله كثرة التحلطم و كثرة النقد و كثرة الاعتراض مكرهتني عيشتي معه


يا بنات علموني كيف اتعامل وياه ابي اعيش بسلام و ما ابي اطلع هالشي ع عيالي
عيالي صارو ضحية و الله للضغوط النفسية اللي امر فيها
و ساعات ارجع اقول ليه تزوجت! و اقول كله من اختي زينته في عيني و احنا مختلفييين و الله ما نلتقي في اي مرحلة من مراحل الشخصيات للاسف