بسبب قطعه حديد ! ( حمله قيادة المرأه للسياره )

’,


السلام عليكم و رحمة الله وبركاته

بداية أقولكم , أني لا مع حمله قياده السياره و لا ضدهـا
و بكلامي هذا أحاول أتكلم مع عقولكم , بغض النظر إن سقنا أو ما سقنـا
هالشي ما يعلمه الا ربي العالمين ..

السالفه مو مظاهرات و لا تجمعـات , قصه الحمله كسر حاجز الخوف عند النساء من قيادة السياره
اللي هي أمر طبيعي جداً في الحالات الخاصه

يعني هي لا هي حرام و لا هي عـيب , مجرد أمر لم توافق عليه الدوله لأسباب ..
و الشعب يحاول أن يجبر الدوله على أنها توافق عليه أو على الأقل تصدر موافقه بشروط و قوانين و غيره من الأمور اللي ممكن تسهل حياتنا مستقبلاً

لـكن

أنا أنقرفت من الكلام اللي أقراه هنا و بتويتر , و اللي يشبه المرأه كأنها سلعه أو أداه للمتعه فقط
أو بخروجهـا يفسد البلد و ينحط

يعني اللي بتسوق بس الصايعه اللي مو متربيـه الفاجره اللي لا دين لها و لا أخلاق !!

أجل وين بنـات الأسلام ! وين بنـات السعوديه اللي متربيين على الأخلاق و القيم الأسلاميه !!
أنتم عن مين تتكلمون ؟

علشـان فئه تعادل ما يقارب " تقريباً (20%) من المراهقات المنفلتات أو المعارضات أو الليبراليات
تحكمون على مجتمع نسائي إسلامي كامل !

ب أي حق
مـو واثقه ب أخلاقك ؟ مو واثقه ب أخلاق خواتك ؟ مو واثقه ب أخلاق بناتك ؟ مو واثقه ب أخلاق عائلتك ؟ حفيداتك ؟ صديقاتك اللي يمثلون نـصفك الآخر و أخترتيهم عن قنـاعه لتشابه الأفكار أو المعتقدات ؟

طـيب نقول واثقه فيهم , أجل وين المشكله ؟؟
في شبـابنا !!
مو ( أنتن ) مربيـات الأجيال !!

يعني أنتم حاطين في بالكم إذا ساقـت الحرمه , بتدج و بتواعد و بتتمشى بس ؟

ما في صله رحم ؟
ما في حلقات تحفيظ ؟ و مدارس ؟ ونوادي نسائيه ؟
ما في عائله ؟
ما في صيدليه ؟ ما في أغراض بيت ؟
ما في مستشفى ؟ ما في مواعيد ضروريه ؟
ما في أخ أو زوج تعبان أو مشغول بالدوام ؟
ما في جامعه ؟ ما في وظيفه ؟

اليتيمه اللي مالها أب و لا لها أخ !! وش تسوي ؟
طيب لحظه بصيغها بشكل أوضح
اليتيمه اللي مالها أب و لا أخ و عايشه على الضمان !! وش تسوي ؟
تجلس تتمشى بالشوارع !!
الأرمله ؟ المطلقه ؟ اللي تعول شايب و عجوز
وش وضعها !!

- إيش هي السياره ؟
قطعه حديده توصلنـي لمكاني

واصحكم تقولون ما في محرم !
اللي تروح مع السواق , تروح بدون محرم
و اللي تمشي بالشارع تروح بدون محرم


- إيش أنا كـ أمرأه في دوله تطبق الدين ؟
مسلمه ب أخلاق و تعاملي و حجـابي

حـرام قذف المحصنات الغافلات ! حرام تفضحونـا بين العالم كأننا فاجرات ! حرام تشوهون صورتنـا قدام المجتمع اللي حوالينا !
حرام تشوهون سمعـه شبابنا بكلامكم القاسي و اللي ماله الا معنى واحد ( جيل منحط )


كلمه أخيره /
- لما أحتاج لـ السواقه ل أمر جلل راح أسـوق وراح يكون القانون معي " حتى بدون ما أحمل رخصه قياده "
و مواقف الشرطه من ذلك مشـرفه
يا ما ساعدت بنات و زوجات و أمهات كانن يسارعن في نجده أحبائهن للمستشفى أو الطوارئ
يا ما ساعدت عجائز و بنات في القرى ممن تعيل أبنائها أو عائلتها في أن تقضي حوائجها



’,