بسبب نشفان الدجاج

حاولي تتبلينع قبل اهم شي تحطين ليمون عليه

اذا تقصدين بدون سلق

يعني مجرد بهارات وفلفل وتدخلينها الفرن عشان يضبط معك لازم تتأكدين من هذي الاشياء

- تتركين الجلد مع الدجاج ماتنزعينه مجرد تنظفينه وتفركينه بربع ليمونه بالملح والزنجبيل البودر وتتركينه شوي ثم تشطفينه بالماء

- تأكدي مع التتبيله مثل ملح بهارات وفلفل اسود وبابريكا وزنجبيل وكزبره ناشفه وكركم وثوم وغيرها اضيفي شوي خل ملعقتين كبار ونص عصير ليمونه وشوي زيت وتبلي به الدجاج من برا وداخل وغطيه واتركيه على الاقل ساعه بالثلاجه ينقع ويتشربه ويطرى من الخل .

- بعض الوصفات مثل الدجاج المقطع اوصال او شرايح طويله او صدور الدجاج يضيفون زياده للخل والليمون زبادي وينقعون الدجاج فيه مع التوابل ثم يحطونه مع تتبيلته كامله بمقلايه على نار متوسطه 5 دقايق الى ان يغلي ثم يغطونه ويخففون النار ربع ساعه او الى ان ينضج .. او بدون مقلايه يدخلونه بصينيه مدهونه بالفرن ينشوي
- ضروري تغطين الدجاج بقصدير مدهون بزيت قبل تدخلينه الفرن وتضيفين لصينية الفرن اللي فيها الدجاج والتتبيله شوي مويه عشان ماينشف . . وبعد ساعه او اذا نضج شيلي القصدير واتركيه دقايق على النار اللي فوق ياخذ لون اشقر ثم قفلي النار وغطيه بالقصدير مره ثانيه الى وقت التقديم .
- اما بخصوص المقلي بالزيت نفس الفكره لكن انا شخصياً انصح بعد نقع الدجاج تعملين له تغليفه من الطحين نص كوب وملح وبيضه وفلفل اسود وثوم بودر واذا بقى شي من تتبيلة الدجاج اضيفيه معاه واخفقيهم بشوي حليب او مويه الى ان يصير سائل وغمسي الدجاج فيه ثم غلفيه بالبقسماط يعني مثل البروستد عشان مايطلع قاسي او ناشف واقليه بزيت غزير متوسط الحراره .

اذا تبغي يكون رطب بالنسبه للمشوي سوي للتبيله زيت زيتون وخل وبهارات