هذي طريقة بسبوسة لذيذة جدا ً ومقاديرها متوفرة في كل بيت ..
سبق أخذتها من زماااااااان من هذا المنتدى أو من منتدى آخر مو متذكرة والله يمكن من 7 سنوات واعتمدتها للبسبوسة السريعة اذا صرت مستعجلة بسويها لعيالي او لطلعة سريعة
والله يجزى صاحبتها كل خير ..
طبعا ً العمل والصور من تصويري ..
المقادير ....
كأس سميد
كأس تمر منزوع النوى ( بحدود 12 تمرة )
نصف كأس سكر
ثلث كأس زيت
كأس الا ربع ماء
3 ملاعق حليب بودرة
ملعقة طعام بكنج باودر
الطريقة ....
بالخلاط نضع التمر مع الموية ونخلط لحد ما يصير الخليط قوامه لا لين ولا ثقيل مرة تقريبا ً زي خليط الكيك ..
بعدين نضع عليه الزيت والسكر والحليب ونشغل عليه الخلاط مرة ثانية ..
نصب الخليط على السميد والبكنج باودر ونضربه بالمضرب الكهربائي ثم نصبه بالصينية المدهونة بالطحينة السائلة ونرشه بلوز مبشور او فستق او اللي تحبين ..
وندخله الفرن طبعا ً نكون مشغلينه قبل ..
تترك لتنضج بحدود 20 دقيقة ..
ثم تحمر من أعلى ..
نصب عليها الشيرة الباردة أو النستله ..
وومكن اذا تحبي تسوي هالخلطة
تحطي علبه حليب سائل (تبع الشاي مثل وادي فاطمة أو أبو قوس ...) على النار مع بيالة سكر وتخليه يغلي شوي بعدين تسكرين النار وبعد مايبرد تسكبيه على البسبوسة يطلع طعمها رووعة :)
وهذي بعد ما انتهت ..
المقادير تكفي لصينية صغيرة ..
وومكن تضاعفيها اذا تبغي كمية أكبر ..
جربوها وردوا لي ..
:)