كيفكم ..
نزلت لكم اليوم بسبوسه رووووووعه ولينه ولذيذه :cook:
من يوم سويتها صاروا أخواني يطفشوني فيها واصحابهم يطلبوها مني طلبيه
المهم جربوها بس اهم شي اللي تجربها تدعيلي :2thmup:
.....
#المقادير#..
واحد لبن زبادي
بيالتين سكر
ثلاث ارباع كوب زبده سايحه..(كوب الجبنه الصغير)
ربع كوب زيت
ست ملاعق حليب بودرة
كوب ونص سميد (نفس الكوب)
ملعقه صغيرة بكنج بودر
تحطي اللبن في زبديه وتخلطي بالخلاط اليدوي (العادي بدون كهرباء) وتضيفي عليه السكر (يكون ناعم عشان يذوب
بسرعه) وتضيفي بعده الزبده والزيت وتخلطيه لين يتجانس الخليط
تضيفي الحليب الجاف وتخلطي بعدين تحطي السميد والبكنج بودر...فـ هذا الوقت تكوني فتحتي الفرن عشان يسخن
...بعد ما تخلطي المقادير ادهني الصينيه زيت على خفيف (صينيه بايركس وسط)
وحطي نص الخليط في الصينيه
قبل تحطي القشطه على السميد حطيها كلها ف صحن وحركيها بالملعقه عشان يكون توزيعها سهل عليكي وحطيها فوق
الخليط
قبل تحطي النص الثاني من الخليط خففيه بشوية مويه عشان تقدري تغطي القشطه تمام وحطيها بالملعقه شوي شوي
وهذي بعد ما حطيت الطبقه الثانيه
حطيها في الفرن وخليها لين تتحمر تمااااااام من تحت ومن فوق زي كذا
#بالنسبه للشيره مقاديرها...
2 علب حليب مركز السائل (اللي مع الشاي) وليس المحلى
وبيالتين سكر
تحطيها على النار لين تغلي تحطيها فوق البسبوسه (تكون الشيرة حارة والبسبوسه باردة)
غرقيها واستني عليها لين تتشرب بعد ماتبرد قطعيها (اذا قطعتيها وهي حاره حتخرب وتسيح القشطه) خلي برودتها عاديه
هذا الشكل النهائي
جربوها وبتدعون لي :2thmup:
........
شكلها يشهي
تسلم يدك