امس سويت هالبسبووسة وطلعت لذييذه .
مقادير البسبوسه( قوطي القشطه هي القياس)
3 بيضات..
2 قشطه نستله...
2 قوطي سميد..
2 قوطي سكر..
1 قوطي زيت..
2 قوطي جوز هند..
ملعقة فانيليا..
ملعقة pb..
مقادير الكريم كراميل..( اخذتها من المنتدى لعضوه ما اذكر شو اسمها)..
1 باكيت كريم كراميل + فنجان شاي سكر + بيضه+ 2 كوب ماء + 1 كوب حليب بورده+ ملعقة فانيليا + ملعقة هيل ناعم..( اختياري)..( طعم الهيل في الكريم كراميل راح يعطيها طعم مميز جداااااا)
نخلط مقادير االبسبوسه كلها ...وعقب نحط نصف المقدار في صينية البايركس المدهونه...
ونحطها بالفرن لين تستوي ...و بعد ما نطلعها نحط عليها شوية شيره يعني على الخفيف مو تغرقينها شيره وعقب تقولين طلعت حاليه....نحط شوي بس عشان الطراوه..:)
وعقب نخليه على صوب ونسوي الكريم كراميل...
نخلط مقادير الكريم كراميل بالخلاط اولا ...وبعدين نحطه على النار لين يغلى وعقب نصبها على البسبوسه ...ونخليها تبرد وتجمد...( راح تجمد بسرعه)
و بعد ما تجمد طبقة الكريم كراميل ...نحط فوقها باقي البسبوسه ونحطها في الفرن ( نشغل بس من فوق على نار هاديه) لين يجهز...
و عقب ما يجهز نخليها تبرد برع...وبعدين ندخلها الثلاجه لين وقت التقديم ...
:26: