البسبوسه سهله ولا تاخذ وقت ولا فيها حوسه ومواعين كثيره انا حطيتها في اطباق فرديه لاني احب التقديم بهذا الشكل وعذوني ماصورتها بتفصيل تعرفون حوسه الي تصير في رمضان الله يجعلنا من صوامه وقوامه
المقادير
2حبة بيض
1ملعقة صغيره فانيليا سائله
1كاس سكر ناعم
1كاس سميد ناعم
1/2كاس جوز الهند
1/2كاس زيت
1علبة زبادي
1ملعقة كبيره باكينج بودر
الحشوه :
2بياله سكر ناعم
1علبة قشطه
انا اضفت نصف علبة حليب نستله مطبوخ (اختياري )
الطريقه
اولا نسوي التوفي عشان يمديه يبرد ناخذ علبة قشطه ونحطها في مويه حاره مده 5دقائق علشان تدفى نحط السكر في تاوه ونحطها على النارنتركه على النار حتى يذوب ويصيركراميل فاتح ونفتح علبة القشطه ونحطها على السكر وننتبه لانه راح يطش ونحرك بسرعه حتى يصير عندنا توفي متجانس ونتركه على جنب
ثانيا عمل البسبوسه ناخذ مقادير البسوسه كلها مع بعض ونخلطها بالخلاط اليدوي مضبوط حتى تتجانس نجيب الاطباق الفرديه او صنيه مقاس الوسط وندهنهم بالزيت ونصب نصف المقدار في كل طبق وندخلها الفرن على درجة حراره 180 وننتبه لها لانها على طول بتشقر واذا استوت تحطين التوفي بسرعه وتحطين عليها الباقي من البسبوسه وندخلها الفرن وهو باقي يشتغل من تحت و3 دقايق ونطفي تحت ونولع فوق واذا تحمرت نطلعها من الفرن ونحطها تبرد ماتحتاج شيره ولا شي وقدميها دافيه او بارده
تسلم يدك.