حابة اليوم اقدملكم بسبوسة كتير طيبة وزاكية
احنا عنا ما في قشطة قيمر فحبيت اخترع قشطة
واحطها بالبسوسة اللي بحبها موووووووت انا واولادي
بنيجي لمقادير البسبوسة
كاسة ونص سميد
كاسة حليب بودرة
كاسة سكر
بنخلطهم مع بعض بالملعقة وبنضفلهم معلقة فانيلا وبكنج باودر
بنحط عليهم ثلاثة ارباع الكأس زيت وعلبة قشطة والافضل نستله
هلأ بنيجي للقشطة هاي طريقة كتير طيبة وسهلة
بتحطي كاستين حليب سائل
معهم معلقتين سميد و3 معالق نشا وبنحطهم على النار
لحد ما يجمدو بعدين بنطفي النار وبنحطلهم نص علبة قشطة
ونص علبة القشطة اللي ضلت بنحطها على خليط البسبوسة
بندهن الصينية بطحينة وبنحط تقريبا اكتر من نص الخليط بالصينية
وبنحط القشطة شوي شوي
وبعدين الخليط اللي ضل بنحط عليه شوية ماء مقدار معلقتين
وبنحطه شوي شوي فوق القشطة وبتقدري تبلي اصابع بشوية ماء
وتسوي الخليط عشان كله يكون مرتب وبنخبزها على نار هادية
لحد ما تستوي وبعدين بنسقيها بالقطر شوي شوي وبنركز على الجوانب
وبنخليها ترتاح بعد ما نغطيها ساعة لحد ما تجمد القشطة اللي فيها
وصحتين وعافية وما تنسوني من دعواتكم
وهاي القطعة لاول رد:42:
ماشاء الله عليج
بس للأسف ماأحب شي أسمه بسبوسه
وخليها للي يرد بعدي