ماشاء الله لاقوة الا بالله
السلام عليكم ورحمة الله وبركاته
هذي اول مشاركة لي وبدأتها بهالبسبوسه طبعا انا
جربت انواع كثيره من البسوسه بس هذي البسبوسه طعمها غير :27:
ومقاديرها سهله
كاسه سميد
كاسه سكر
4ملاعق كبار سمن مراعي
5ملاعق كبار حليب بودره
5ملاعق حليب جوز الهند بودره موجود في قسم المأكولات الهنديه صورته لكم
فانيلا نص ملعقه صغيره
نص ملعقه صغيره بكينغ بودر
علبه قشطه للحشو
لبن زبادي العلبه الصغيره
2 بيض
نخلط جميع المقادير مع بعض ماعدا القشطه وبتكون شوي ثقيله صبي نصف الخليط في صينيه مدهونه ثم دخليها الفرن من تحت لين تستوي وتحمر الاطراف قليلا ثم نقفل النار ونطلع الصينيه ونضع عليها علبة القشطه ونوزعها عليها ثم النصف الباقي من البسبوسه ونوزعها بشكل متساوي وندخلها الفرن من فوق على نار هاديه يعني نشغل نار الفرن الي فوق وتكون هاديه مره وننتبه لها عشان لاتحترق بمجرد مايصير لونها ذهبي نطلعا ونسقيها شيره وبنلاحظ انها بتتشرب الشيره هذا معناته ان البسبوسه ضبطت معاكي
على فكره احيانا اذا كانت مره ثقيله اضيف لها حليب بوني او ابو قوس وهو الحليب المركز بس مو محلى اضيفه كميه بسيطه بس الي يخلي الخليط يلين شوي ويكون طعمها ولونها روعه مع هذي الاضافه جربوها وادعولي
ان شاء الله تعجبكم
الي بتنقلها تنقلها مابغى غير الاجر
في أمان الله
