ايوه العيب من البيكمبودر لاتكثريه هذا السبب

بصى انا هقولك طريقتى فى البسبوسة لسه عملاها امس وطلعت ماشاء الله تجنن زى الى بتتباع فى المحلات
المكونات.
2كوب سيمولينا 3/4 كوب زبدة كوب سكر جوز هند محمر فى زبدة حتى يصبح لونة ذهبى
1/2 كوب زبادى 5 معالق لبن بودرة
مكسرات للزينة
الطريقة .
تفتتى الزبدة مع السيمولينا يعنى تخلى كل حبة سيمولينا متغطية بزبدة طبعا بأيدك ثم تضيفى السكر وبردة تقلبى بايدك علشان تتشرب كويس
تانى حاجة تقلبى الزبادى مع اللبن البودرة وتضيفى على البسبوسة وتقلبى خفيف لان البسبوسة لما تتقلب كتير بتتقل وتتخن ومش تبقى حلوة
تفرديها فى صنية وتدخليها الفرن وطبعا تكون رفيعة فى السمك وعلى الوش مكسرات
تجهزى الشربات ويكون خفيف وسخن وتحطى عليها وهيا سخنة وتغطيها بغطا وسبيها لما تشرب كله وتبرد وكليها بألف هنا وصحة
اتمنى تجربيها وتقولى رئيك

على فكرة أكثر شئ يخرب البسبوسة البيكنج بودر والماء انا لغيتهم من البسبوسة والله طلعت معايا تهبل مثل ماقلت طريقتى ونفس الوقت موفرة ماتاخد كتير مقادير