مسآء ,و,صبآح الخيرات والليرات
هذولي مجموعه من الحلى سويتها بفترات طبعا مو كلها بيوم
واليوم حبيت انزل صورها وبعدها بكتب الطريقه
اوكِ اترككم مع الصور ..
حلى الافخاذ ..
كروسون جونير نغرس فيه حبه رينجو ونغمسه بحليب مركز محلى ( نستله او بوني ) وبعد كذا نحطه بـ الكورن فليكس المطحون ويكون كانه شكل بقسماط ويطلع شكله زي فخذ الدجاج وتحطينه بصينيه قصدير ومعاه شويه نعناع
حلى الشوكولاته ( حلى الطفوله )
هذا الحلى اسويه من كنت طفله مقاديره سهله ومو محتاج نار وغير كذا طعمه رهيب بس انا حطيت فيه اعواد وشرايط بس الصراحه ما ضبط لانه كان لازق في الصينيه يعنى اللي بتسوى نفس طريقتى انصحها تحط عليه اخر شئ جوز هند عشان ما يلتصق بالصينيه
الطريقه : 2 كاس بسكويت مطحون ثلاث ارباع كاس سكر 2 ملعقه كبيره كاكاو بودره غير محلى تعجنينها بحليب سائل الافضل ما تكون العجينه لينه مرره وتكورينها ..
حلى الكوب كيك
منتهى الروعه صراحه
تجيبن الكوب كيك وتحفرين بالوسط شوى عشان يكون عندك فراغ بعد كذا بالحمام المائي 2 مارس وعلبه قشطه لما يختلطون مع بعض نحط على الكوب كيك شويه مع شويه نستله
حلى التويكس .. ( حلى عشاء احلى شئ )
بالخلاط : 4 اصابع تويكس ظرف دريم ويب ظرف كريمه 4 حبات بسكوت علبه قشطه بياله حليب سايل
تصبينه في الكاسات المخصصه للحلى ويوكل مع ملاعق
بسبوسه التمر
مقادير رقم واحد : نصف كاس زيت كاس تمر منزوع النوى ومعجون بيضه نصف كاس سكر كاس حليب سايل
مقادير رقم اثنين : كاس سميد ملعقه كبيره بكنج بودر
تخلط المقادير رقم واحد وتصب بالتدريج على مقادير رقم 2 وتخلط جيدا وتصب في صينيه مدهونه بزيت وتدخل الفرن من تحت واذا استوت تحمر من فوق ..
حلى التمر
حلى سهل وتقليدي وقديم لكنه لذيذ
ننزغ النوى من التمره ونحشيها بـ بسكويت مطحون + طحينه التمر السايله + مكسرات على ذوقك + قليل نستله
اما المقدار فهو حسب رؤيتك انتى لحد ما يكون العجين متماسك مرره
تحشين التمره وتصب فوقها نستله وهرشي وممكن تغرسين فيها اعواد
الحمد لله خلصت وتعبت والله
بس تعبكم راحه وفرحونى بالردود
سي يو
ماشاء الله
تسلم