بسبوسه فاخره من المطاعم المصريه واخيرا بسبوسه تجنن مثل المطاعم

هلا حبايبي كيفكم
مره من المرات زرت وحده ما اعرفها المهم اول مره اتعرف عليها
وقدمت لنا بسبوسه بالاول توقعتها عاديه زي كل البسبوسات المصنوعه في المنزل
المهم اول ما ذقتها انهبلت الصراحه
وبعدها بكم يوم ما قدرت اتحمل اتصلت عليها اخذ الطريقه هههههه

والله لسه ما جربتها لان ما عندي غير سميد ناعم بس حبيتكم تكشخوا فيها قبلي


المقادير
كوبان ونصف فنجال شاي سميد خشن (لو مو خشن ما حتضبط)
كوب شاي سكر ناعم مو ضروري يكون مطحون
نص ملعقه ك بكنج باودر
2 ملعقه ك جوز الهند
ملعقه الا ربع زبده (ملعقه كبيره)
زبادي او (روب)
طحينه

الطريقه
تدهن الصينيه بالطحينه ولو ماعندك ممكن تستخدمي زبدة الفول السوداني بس الطحينه افضل للنكهه
تخلط المقادير الجافه مع بعض يعني السميد والسكر والبكنج باودر وجوز الهند نخلطها جيدا
وبعدها نحط الملعقه الا ربع من الزبده ونفركها جيدا الي ان نحس انها اختفت في كل الخليط واختلطت به تماما
بعدها نجيب الزبادي طبعا هذا هو الشي اللي ما اعرف مقداره لكن للتسهيل
نضيف للمقدار الزبادي ونعجن ونضيف ونعجن المهم الي ان تكون العجينه متوسطة السمك يعني مو زي الوصفات اللي تقولك صبي المقدار في الصينيه لا هو ما حينصب لانه مة سائل المهم تكون العجينه شبه متماسكه لا متماسكه ولا سائله فهمتو يعني تاخذي منها وتحطيه بالصينيه بنفسك تفرديها بيدك اعتفد بتحتاج من 4 الي 5 ملا عق زبادي االمهم الموضوع مش صعب
بعدها نفرده بصينيه بايركس بعد دهنها بالطحينه وبعد فرده نقطعه قطع الشكل اللي تحبوه
بعدها ندخله فرن حار 350 درجه
ونتركه الي ان يستوي ويحمر
بعدها نخرجه ونعيد تقطيعه من جديد نفس التقطيع اللي قطعناه من قبل
ونسكب فوقه الشيره علي طول (الشيره ما تكون خفيفه مره تكون نوعا ما سميكه مو مره بس لازم تكون مو خفيفه مره يعني مثل شيرة اللقيمات سميكه نوعا ما)
وزينيها باللي تحبيه
وبس ادري كتبت كثير لكن ابغي اوضح لكم علي قد ما اقدر
لا تنسوني من الدعاء