مرحبا يااخوات واشكركم على المداخله واتمنى تعجبكم البسبوسه وبصراحه اول ما صلحتها غربلتني شوي بس مع المحاوله بديت اضبطها وصرت اسويها اسبوعيا تقريبا لانها لذيذه وانا بحاول اشرحها زي ما اسويها تضعين في الخلاط علبتين قشطة التاج ثم ثلاثة ارباع كوب زيت وملعقه كبيره ب0ب وتخلط جيدا ثم يضاف كوب سكر بودره ويخلط ثم يصب الخليط في وعاء ويضاف له كوب حليب مجفف ثم السميد ثم يصب نصف الخليط في صينيه متوسطه قبل ان يثقل ولكي يسهل عليك فردقشطة المراعي او الصافي اخرجيها من الثلاجه قبل عمل البسبوسه بنصف ساعه وممكن اضافة قليل حليب سائل اذا كانت جامده واخلطيها جيدا حتى يختفي الحليب وافريديها على الخليط السابق بالملعقه على بال ماتنتهين يكون الخليط الباقي ثقل ويصعب فرده فضعي عليه نصف فنجان شاي حليب سائل اوفنجان كامل واخلطيه وصبيه على الطبقه الاولى وضعيها في الفرن وقد سبق تسخينه وبعد النضج تسقى شيره

ونسيت اقولكم اذا نضجت البسبوسه تحطينها في الثلاجه على طول لازم لانها في البدايه بتكون لينه وصعب تقطيعها وتطليعها من الصينيه فاذا بردت تجمد وتزبط وتقطع وتسقى بقليل شيره

احلامكم
البسبوسه روووووووووووووعه
وانا من زمان ادور هذا النوع
اليوم عندي مناسبه راح اسويها وان شاء تضبط معاي وراح ارد لك خبر
قبل ماأنام
والله يعطيك العافيه

عزيزتي أحلامكم
سويت البسبوسه
وطلع لي مشكله صغيره
حشوه القشطه طلعت فوق
أتوقع لازم نحط ربع الخلطه اول شيء وبعدين الباقي
والا شرايك
ارجو الرد سريعا

اختي اغادير يمكن انتي وضعتيها في صينيه كبيره واعتقد اذا وضعت على الخليط الثاني حليب سائل بيكون توزيعها اسهل وانشاء الله تزبط معاك