حياكم الله ..كيف حالكم اخواتي ..
امس الخميس كنت صايمه .. وسويت بسبوسه محشيه بالمهلبيه .. وعجبتني قلت اذوق اخواتي منها ..
كل وحده تاخذ قطعه وتقول رايها ..وبالعافيه على قلوبكم ..
مقادير البسبوسه:~
1 كوب سميد
1 كوب سكر
1 كوب حليب مجفف
1 ملعقه كبيره p.p
قليل من الفانيلا
1/2 كوب زيت
2 علبة قشطة
مقادير الحشو :~
5 ملاعق نشا ..
نصف كوب سكر ..
5 ملاعق حليب مجفف ..
2 كوب ماء..
تخلط المقادير السابقه في زبديه .. ويوضع نصف القدار في صينيه مدهونه بالزيت ..
ثم توضع مقادير الحشو في قدر ونحركه والماء بارد طبعا بس يذوب النشاء تماما نضعه على النار ..
ونستمر بالتحريك على نار متوسطه حتى يثخن الخليط نرفعه عن النار.. ونضعها في الصينيه على الطبقة الاولى ..
ثم نضع باقي البسبوسه على الحشو .. وتدخل للفرن على درجة حراره 180 درجه..
وهذا شكلها النهائي ...
بالعافيه عليكم ..
ولاتنسوني من دعواتكم لي بالفرج القريب ..
تسلم الايادي