بسب خلاف بسيط زوجي يعقد اليمين على ان يتزوج علي ساااااعدوني

السلام عليكم

انا اتوقع زوجك طيب وحبوب من جوا .. ومشكلته الوحيده واضحه لازم تقوليله على الشيء قبل بكم يوم ولايعترف بالمفاجئات والطوارء ولا النسيان "بالنسبه لك لازم ماتنسين بس هو عادي يتسي زي مايبي وانت لازم تذكرينه اكثر من مره علشان مايعصب عليك"

بس معليش اذا هذي هو العيب الي فيه حلو وناس كثير تتمناه عودي نفسك ودايما اذا فيه شيء لازم تذكرينه فيه غيري مكان الساعه علشان تتذكرين او ارفعي شعرك بطريقه معينه علشان اذا شفتي نفسك بالمرايه تتذكرين انه فيه شيء لازم تقوليله عليه


بالنسبه لحلفه .. اتوقع انه بس من العصبيه مو اكثر وماراح يسويها ولاتسئليه عنه كثير لانه يبي يخليك على اعصابك كعقاب خخخخخخخخخ بس معليش تحملي شوي وحاولي تتسنعين على قولته وخليك احلى وحده بالدنيا

خليك على طبيعتك ولاتطلبين منه شيء هاليومين الا الضروري وقبل فتره يعني اسبوع وكل يوم ذكريه مره وحده بس وبابتسامه وبطريقه رجاء .. يعني ممكن تعبي الغاز بطريقك الله لايهينك .. والله ماودي ازعجك بس مالنا غيرك ممكن اذا فاضي تعبي الغاز الخ الخ ولا تنسين الابتسامه واذا تبرطم لاتدرين عليه ابتسمي بس وروحي هو من نفسه بيقوم ويسويه من غير لاتعورين راسك ولا راسه

الين ماينسى موضوع اليمين .. وبعدين اذا راقت الامور قوليله ترا اليوم رحت دفعت كفاره عن اليمين الي حلفته "او خلي احد يدفها من غير ماتقوليله السبب قولي انك خلقتي على واحد من لعيال او شيء زي كذا علشان اذا سئل مين الي دفعها مايزعل انك علمتهم السالفه ويعرف انك سنعه وتحافظين على خصوصياتكم"

شكرا على الكلام الحلو الي يريح بس



وش رايك مابين له اني متضايقه من حلفه هذا


وبعدين ياحبيبتي الانسان مايعذر بالنسيان ليش حنا نعذرهم اذا نسوا وهم مايعذروننا طيب ماهو المفروض من طيب الاخلاق انه مايعصب على شي تافه زي كذ



ويقولي مثلاخلاص اشرب مويه الحين وبعد العشاء اجيب غاز وانتهت المشكله والا وش رايك

لالا لازم تبينين له انك متضايقه بس عاد مو تكتئبين وتبوزين يعني متضايقه وودك انه يسامحك ويرضى عليك وبنفس الوقت شكلك حلو ومبسمه وسنعه
لانك اذا مابينتي انك متضايقه بيسوي شيء ثاني علشان يضايقك صدق لان قصده من حركته انك تعرفين غلطتك الكبيره بنظره

وشوفي لو تقعدين من اليوم لبكره وانتي تحكين ان الانسان لازم ينسى ويغلط الاخ بالله اذن من عجين واذن من طيبن والا يصر انه يقولك لا لازم تذكريني قبل بفتره وهذي غلطتك .. هذا طبعه كذا

بسئلك مو زوجك مره حبوب وطيب من جوا ؟؟ واذا قلتيله انك تبين شيء قبل فتره يعني مثلا يوديك لصديقتك الاسبوع الجاي وتذكرينه قبل 3 ايام وبعدين الصبح بطريقه حلوه .. ماراح يوديك وهو مبتسم ومبسوط انك بتغيرن جو ؟؟؟؟؟

اذا هو من هالنوع تراك محضوضه ويابختك اذا عرفتي كيف تتعاملين معاه

لانه يحبك ويخاف عليك وماوده يزعلك بنفس الوقت مايحب انه يحس مزنوق بالوقت ولازم الحين الحين يسوي شيء ماخطط انه بيسويه

وعن اشرب مويه وبعد العشاء اجيب الغاز .. هذا يخالف طبيعته بانه يبيك مره ثانيه ماتسوين هالحركه وتتعلمين درس انك ابد ابد ماتنسين تقوليله عن الشيء قبل فتره

اعتذري منه وماراح يسامحك من اول اعتذار بس بيحط بباله انك اعتذرتي وهذا شيء مهم جدا عنده وبعدين بتصرفاتك بتدء المرحله الثانيه بانه يشوف انك تسنعتي السناعه الي بوجهت نظره

عاد انتي بعدين اذا راقت الامور قوليله كان ودي لو انك ماعصبت علشان صحتك اول شيء ولانه شيء مايستاهل بس انا انشالله بصير زي ماتبيني واحسن انا مابي الا رضاك وعاتبيه شوي انك تضايقتي من كلمته وماتوقعتيها على سبب زي كذا

بس انتبهي لاتزيدين العتب ترا النوع هذا من الرجال ممكن يرجع للزعل وبطريقه اعنف اذا حس انه ملوم .. علشان كذا اول ماتبدين الكلام قوليله انا ما الومك كنت مشتهي قهوه وتبي ترتاح شوي ومالك خلق مشاوير هالوقت يمكن انا علطانه بس اعذرني البيت ومشاغله تخلي الواحد ينسى واتمنى انك ماتزعل مني اذا نسيت ولا سهيت الخ الخ

انشالله تفيدك هالطريقه .. بس انا لاحظت انها تنفع من الي طبعه كذا

الله يوفقك ويسخرلك زوجك ويسخرك له ومايملى عينه ولا عقله من الحريم غيرك

زوجك عصبي بس شكله طيب يعني المره الثانيه كمبيوتر ماهي بشر مابتنسى ولاشي
وبيقعد يحلف على كل وحده انه يتزوج عليها عشان تتسنع :17:
هدئي من روعك وانسي انك سمعتي شي وحاولي تكوني
حريصه يعني ذكريه كل شوي تلاقي العمل هاد حيله
وطبيعي الواحد يفش خلئه في مرتو وعيالو
اهدئي وقري عينا وعديها ولا تساليه
الحياه اصلا كلها تنازلات

مااظن انه رااااح يتزوج عليك عشان بس هالسبب بس حاولي تهدين الوضع هاليومين
وان شاءالله يكون خير