السلام عليكم ورحمة الله وبركاته
كيفكم بنات ..أول مره أنزل موضوع هنا بس فيه موضوعين شاغلين بالي ودايم افكر انا صح او خطأ
الموضوع الأول :
انا وأخواتي وزوجة أخويا واختها وبنات اخواتي مسوين قروب بالوتسآب . وعندي آخت دآيم تجيب دعايات لتاجرات يبيعو سواء اكلات سواء ملابس مكياج مناكير الخ من الاستغرام وغيره
وبصراحه انا اشوف الأشياء وبحكم اني اعرف المنتجات الأصليه والتقليد واعرف مزبوط المواقع اللي تبيع اشياء تقليد واسعارها يعني باختصار عندي خبره كبيره بالأشياء اللي تنباع عالنت بامريكا والصين وغيرها .لما تجيب اختي الروابط تكون الأشياء مو اصليه وسعرها مبالغ فيه والا مثلا تكون اصليه بس حاطين سعر مره خيالي او تكون موجوده بمحلات ابو ريالين وهم يبيعوها بسعر اغلى فأنا من النوع اللي آحب اتناقش اقول لاختي يافلانه ترى هذا سعره مو كذا والا هذا موجود بمحل ابو ريالين والا هذا صيني
اعطيكم مثال : اختي جابت صورة فستان من تاجره والتاجره قالت لها ب 160 غير التوصيل وسعر الفستان الأصلي 8 دولار والفستان صيني انا قلت لأختي يافلانه استني بجيب لك صورة الفستان وجبته لها وقلت لها شوفي بكم سعره ؟
واليوم جابت لي صور مناكير كفيار وفرو ومدري ايش والسعر برضو عالي والماركه اي كلام وصينيه قلت لها هذا موجود في محلات ابو ريالين واذا تبي ماركات اصليه بنفس السعر عندك كذا وكذا وكذا
مادري يابنات هل انا غلطانه ؟ او هل هذا يعتبر من قطع الارزاق ؟ انا والله مو قصدي اقطع رزق احد بس انا تعرضت للنصب اكثر من مره لما بديت اشتري من النت ولما تعلمت عالمواقع وكل شي من فين يجيبوه وصرت اقارن الاسعار تجيني صدمه لاني كنت افكر يكسبو 20 بالكثير في القطعه طلعو بعضهم ياخذو مكسب 50 بالميه وبعضهم مية بالمية واكثر ولو شفتو موضوعي اللي نزلته قبل فتره عن الزيت اللي نصبو عليا فيه
وعادة اخواتي يسألوني انا لأنهم عارفين اني دايم ابحث عالنت واشتري من النت فأنا اخاف اسكت وينضحك عليهم واخاف اتكلم ويكون هذا قطع ارزاق وانا مادري مع العلم اني ماتكلم الا لو احد سألني بشي او وراني شي ماروح اقول التاجره الفلانيه والا الفلانيه لا اتكلم عن المنتج وليس عن اللي تبيعه
الموضوع الثاني :
انا قبل سنتين جبت شغاله قبل رمضان عشان ابنزل دواليب البيت كلها وانظفها وكنت طالعه من عملية وماقدر لوحدي المهم ماحبيت اقطع برزق الشغاله واستمرت معايا سنتين المفروض انها تجي تنظف الساعه 7 الصباح وتمشي ماتغسل ملابس ولا تكوي طبعا ولا تمد يدها بالأكل بس تنظيف لكن للأسف الشغاله هذي لها اجازه يوم واحد بالاسبوع تقوم تغيب اقل شي في الشهر يومين ثلاثه غير اجازتها اللي كل اسبوع ولاعمري خصمت عليها مع العلم انها تشتغل عند جارتي اللي قدامي ولو غابت يوم تخصم لها
وطلبت مني زياده زودتها بس عشان لا أكسر نفسها وانا عارفه انه كل شي غالي صار وعندها ولد وقلت لوجه الله والا هي شغلها مايسوا يادوب تكنس الارض وتمسح وتمشي باقي الشغل كله عليا ومرت الايام وصارت تغيب اكثر واكثر وانا ساكته واقول لها مابغى اخصم لك لكن لاعاد تغيبي وكنت اتعذر لها ان عندها بيت ورجال وولد قبل شهرين سافر زوجها وولدها وقبل مايسافرو غابت 15 يوم وجات وبرضي مانقصت لها فلوسها وبعد ماسافرو ماصار لها حجة بالغياب ومع ذلك تغيب وقالت لي بعظمة لسانها انا اقعد سهرانه مع وحده تقرب لها لغاية الساعة 2 عشان كذا مااصحى الصباح !! هذا غير انها ماصارت تنظف كويس ولا تمسح الهوايات والمكيفات من برا والابواب كلها تراب والمجلس تنظفه مره بالاسبوع بس يعني ملاحظات كثير اخرتها يوم السبت ماجات انا خلاص قفلت معايا اتصلت عليها قلتلها تعالي احاسبك على الاسبوع اللي اشتغلتيه وروحي ماعاد ابغاكي تشتغلي كل الدنيا وسخ وتراب وانتي ماتنظفي زي الناس بس تكنسي وتمسحي وتمشي وجات وخليتها تشوف البيت كله كيف انا اللي كلي عمليات نظفته وهيا اللي ماشاء الله ترفعني وتنزلني بصباع واحد ماتسوي هذا كله هيا كانت متعشمة انها تجي معايا بيتي الجديد بعد شهر لاني وريتها الصور اني بنقل الفيلا الجديده ان شاء الله وقالت خلاص تبغى تشتغل تبات ماتنظف وتروح بس انا مابغاها لانها ابدا مو نظيفه
السؤال الان انا حاسة بالذنب اني مشيتها مع اني ماقصرت معاها وربي يشهد بس هيا تلعب ماتبغى تشتغل وزودتها معايا لاني طيبه معاها والا لو تشوفو جاراتي الاثنين اشتغلت عندهم ومشوها من غيابها واللعب حقها وانا كلمتها اكثر من مره عالغياب والتنظيف ومع العلم كمان ان عندي شغاله قبلها كانت اندونيسيه كانت عندي 4 سنوات وتبغى ترجع لي وانا مو راضيه بسبب اني مابدي اقطع رزق هذي وتراها تاخذ 700 شهريا والاندونيسه اللي تبات عندي ولها 4 سنوات تاخذ بس 800 ومن يوم ماطلعت من عندي ماشتغلت عند احد ولا تبغى تشتغل الا عندي ولاعمرها شغاله طلعت من عندي تسبني كلهم يحبوني لاني ماتعامل معاهم بسوء ابدا ابغى احد يقول لي انا اللي سويته صح او غلط
وسوري طولت عليكم
D L 3 @d_l_3
محررة
يلزم عليك تسجيل الدخول أولًا لكتابة تعليق.
D L 3
•
بالعكس انا دايما اكلمها عالغياب وهيا تدري اني مسويه عمليات وتعبانه ماقدر اكنس الارض يعني ممكن اشد حيلي واشيل دولاب عادي بس مو يوميا اكنس وامسح الارض وكم الف مره اكلمها اقول لها ترى انا عادي اسوي شغل البيت كله الا المسح والكنس ماقدر بسبب ظهري لاتغيبي وتقعد تقول مره ولدي تعبان مره مصدعه مره مانمت انا كنت اعذرها لان عندي اطفال حالي من حالها والانسان الا مايجيه ظرف بس هي مصختها جدا جدا ولين صار ماعندها عذر للغياب وغابت خلاص انا قفلت معايا
لا عادي علمي الناس بالصح والخطاء وهذا مو قطع ارزاق بالعكس تنقذين غافلين من الغش
والشغاله عطيها باليوميه
والشغاله عطيها باليوميه
اذا في قروب ما احد سألك لا تكتبين اي شي .
اما الشغالة قولي لها مع السلامة لا تنظف وتغيب ايش فائدتها .
اما الشغالة قولي لها مع السلامة لا تنظف وتغيب ايش فائدتها .
ما شاء الله عليكي مبينة مرة دقيقة وتفصلين وتدققين وتهتمين بالتفاصيل
عموما حبيت ارفع لك الموضوع
عموما حبيت ارفع لك الموضوع
الصفحة الأخيرة
اما الثاني هي اجرة بالبوم وانتي حرة تبيها او لا وبعدين هي ماتئدي عملها وانتي غلطانة معروف اللي ماتحاسبية ع الغلط بيتمادى سواء طفل او كبير وهذي غلطتك لان لو جبتي الف شغالة واتبعتي نفس الاسلوب الاغلب 99% بتتعرضي لنفس الموقف