~~~ بستشيركم في موضوع زواجي الغرررريب جدااا ~~~

السلام عليكم


انا بيتقدم لي رجل من دولة ثانية ( دولة خليجية أخرى غير دولتي ) عمره ثلاثيني وانا في منتصف العشرينات

مواصفاته مهندس ومعه ماجستير وموظف وعنده شركة ومن قبيلة معروفة

لكن المشكلة انه بيقعد في ديرته وانا في ديرتي وهنا الغرابة

بس انا شايفه الموضوع ممتاااااااااااااااااااز لاني وحده أكره حنة الرجال وتحكماته وانه يقعد معي 24 ساعه انا مبسوطه بهالوضع انه يزورني بعض المرات كل مابغاني ركب الطيارة وجاني وانا بنفس الوقت اكون عند أهلي هو قال لي بيحط لي شقة جنب بيت اهلي

لاني انا ما اقدر اترك شغلي واروح ديرته وخاصة اني انا بعد ادرس ماجستير ومرتبطة بالدراسة وبالعمل ما اقدر اتركهم وهو بعد مرتبط بشركته وعمله ومرته وعياله !! :)

هو متزوج وعنده عيال صغار ويبي يعدد وقاعد يدور مرة ثانية لان مرته فيها عيوب على حسب كلامه ورفض يقول عيوبها ( يقول ام عيالي ما اقدر اصرح بعيوبها )

وانا ان خذاني ماراح اسحبه من مرته وعياله لا مستحيل ولا افكر اجيب عيال اصلا وبيقعد مع مرته في ديرته اغلب الوقت ..

طبعا بتتسائلون طيب اش تبين فيه .. بقول لكم اش ابي فيه ... اللي ابيه اني اكون على ذمة رجل هو مسؤل عني ومحد يقدر يتدخل في حياتي الا هو .. لان اخوي محاربني على موضوع الدراسة والعمل وحتى مايبيني اكمل لكن لو تزوجت الموضوع بيتغير تماما وخاصة ان الزوج ماعنده مانع في موضوع الزواج او الدراسة حتى لو بغيت ادرس في الخارج ماعنده مانع .. يعني انا هدفي الدراسة فقط وليس الزواج وانا اصلا كنت رافضة موضوع الزواج ومفضلة اني اعنس واقعد طول عمري كذا بس لما طلع لي هذا الزوج بهذي المواصفات لقيت فيه اللي ابغيه وقلت فرصه ..بس انا محتارة وقاعده افكر وابي رايكم ادري قصتي غريبه وماعمرها صارت المرة في بلد والزوج في بلد ثاني . بس وش اسوووي مالي غير كذا .. اشرايكم في الموضوع تعتقدون تفكيري صح او غلط ؟ هل امشي في الموضوع ولا ارفضه من البداية .. أهلي لين الحين ماعندهم علم بأي شي..