بستشيركم ياغاليات الله يسخر لكم جنود السماوات والارض

السلام عليكم ورحمة الله وبركاته
بدخل بالموضوع على طول
ولله الحمد انا زوجه ما ازكي نفسي عاقله وعانيت من غيرة خوات زوجي واعتمدت الرسميه وأقوم بحقهم كامل ولله الحمد ارتحت كثير
ومن صفاتي أتغاضى واتجاهل بعض التصرفات كثييييير
بس فيه حركات صارت عجزت افهمها
اخت زوجي الوسطى متزوجه وعندها 5 اطفال
ملاحظه عليها حركات اول مره تسويها عند زوجي
وحاولت اني ماسئ الظن بس عجزت افهم مقصدها
اول حركه كانت لابسه فستان مررررره صدره فاتح
زوجي استحى وماناظر فيها ابد والله يكلمها وهو منزل راسه والله يابنات ماضلمتها الفستان ارتفع على فوق راحت نزلته زياده
عديتها لها قلت اهم شي زوجي استحى وخرج من الغرفه
الحركه الثانيه دخلت انا وزوجي عليهم وجلس زوجي جنبه امه وحده من أخواته برضوه متزوجه راحت تجيب فناجين قهوه حطتها ع السفره بعدين جت وقومت اخته اللي جنبه وجلست مكانها لصقت فخذها بفخذه والله يابنات ان زوجي تفشل وجهه حمر وتسولف معه ملصقه وجهها بوجه شرب زوجي فنجال القهوه وقام على طول
ماعمرها سوت ذي الحركات لها سنه بس تتلصق
واذا راحت معه مشوار
ماتجلس جلسه فيها نسوان الا تقول خالد قال لي وخالد قال لي
وهو علمني و و و
وانا عارفه ومتأكده انه كله من عندها ولا زوجي وأعرفه تسأله ويجاوب بس
ولو يشوفها جالسه يمر سلام اخباركم ويروح ومايسولف كثير
واذا شافتني وكان زوجي مر الصباح يسلم على امه وتقهوى وكانت موجوده
لازم نقول اليوم خالد جا وتقهوى وقالي وقالي
ومره كمان كنا طالعين للبر وجالسه هي تحاول تشب النار جا زوجي بيشب الحطب بحكم انه هو اللي دايم يولعها
قال لها قومي بشب النار قالت قومني ماقدر وتمد يدها ويوم قومها والله يابنات وجهها احمر وفرحانه
مادري انا عجزت افهم حركاتها
وكل هذا قدامي وعلاقتها من قبل سطحيه ولاتسوي هذه الحركات
فمادري الصراحه انا ابغى اعرف ليه تسوي كذا