بستقيل من شغلي بسبب وحده :(

بناات جاتنا مووظفه جديده وليتها ماجاات :44: داومت من اسبوع ونص وأنا لي معرفة سابقه فيهاا لانها كانت معاي في مرحلة دراسية قبل هي يابنات مخطوبة الله يوفقها لكن اقسم بالله طلعت رووحي منها لدرجة اني جدياً افكر استقيل مع اني احب شغلي ماتخيل بعيش حياتي بهاذي الطريقه :44: طووول الوقت تتكلم عن خطيبها وشلون هي تجهز عمرها الحين وتشرح لي شتسوي لنفسها في الاماكن الحساسه وجذي وكم مره في هالاسبوع ونص قالت لي كم مره انخطبتي :44: وفي الحقيقة ولا مره الا يوم يجيني واحد اربعيني وكلمني بنفسه :44: وانا قلت لها هالشي عن حسن نيه قامت تضحك ووو مع انها هي اصغر مني بسنه وشوي حسستني اني اكبر منها بمليون سنه ووربي :44: مع انها كشكل عاديه وانا عاديه بعد بس شكلي اصغر منها وشكلي طفولي لدرجة ناس وايد يحسبوني ماتعدى 18 سنه مب 27 لكن هي طول اليوم تطحن وتتكلم وتحسب فرق الشهور بينا وعقبها تتكلم عن الكبيرات وموضوع الزواج :44: وتسألني عن خواتي وأنا أموت ولا احد يسألني عنهم شتبي فيهم ؟؟ أنا خواتي ناجحات في شغلهم وبيئتنا ولله الحمد فرق كبير بينها وبين بيئتهم في كل شي الحمدالله لكن هي تسوي حركات "مغاير بنات" وأسلوب قديم ماحبه :44: هي كانت جريئة الله يستر عليها ويااما شرشحت مدرساتنا وحتى مديرة المدرسة صوتها عالي وتهااوش واذكر يوم دخلنا الجامعة هاوشت دكتور اجنبي زعل واايد ومارضى يرجع الا بعد اسبوعين وبعد ماهي نقلت لمجموعه ثانيه الحين لين تفقد اعصابها ترجع تصرخ وتخرع بس طول الوقت مزيفه يابنات تسوي نفسها دلوعه الله يستر عليها حتى لما تكلم الموظفين الشباب تتكلم بشكل مصطنع وبصوت غير وانا استحييي اذوووب في مكاني لانهم عمرهم ماسمعوا صووتي ولا احتكيت فيهم وهم يحسبوني وياها صديقات عمر ووو وتقول اشياء انا مب متعودة عليها يعني اعتبرها قلة ادب وماتجوز تقولها لي طبعاً وتسألني هذا من وهذا من وهذا من وأنا ماحب اتكلم عن الشباب وتكلم خطيبها قدامي بطريقة خايسة يابنات استغفرالله يعني تتنهد وتسوي اصوات وانا استحي قسم باللللله لكن قصدها واضح بالنسبه لي لأنها تقعد تطاالعني وهي تكلمه طول الوقت :06: خلاص تعبت نفسياً يابنات لدرجة اني امس وربي من نفسيتي الزفت ومن كثر مالاعت جبدي قعدت استفرغ في الشغل كرهتني في عمري وفي المكان وكل شي :44: وكله كوم والكلام في اعراض البنات كوم وتراويني صور لبنات تقولي انها ميتين يبون خطيبها وهو يرسل صورهم لها وشوو هذا الشي الغبي يابنات!! مع العلم اني ادري هالنوع عادي تتكلم عني حتى انااا وفوقها مافي احترام تناديني بأسامي حيوانات يعني ان الميانه والكلافه طايحه وأنا مب متعودة على هالاسلوب الواطي في الكلام لكن شقولها ؟؟:44: مع العلم أنا مسؤولة عن تدريبها لمدة 6 شهور