بسم الله الرحمن الرحيم
هلا بنات كيفكم وش اخباركم
قلت بنات ماقلت حريم <<< استخف دمي بالحيل
المهم الموضوع ومافيه ياناس ياعالم
البنات بالبيوت عنسوا تدرون ليش
لان البنات هالوقت ماتهمها الا المظاهر
يعني اخر اهتمامها الولد واخلاقه ودينه
طيب يابنتي ماتبين الستر ماتبين عيال ماتبين
الاستقلاليه ماتبين الحب الحلال وانت ياوالدي ماتبي
بنتك تنستر ماتبي بنتك يجيها عيال الفلوس
مورايحه مع احد للقبر ولا هي نافعه البنت لما تكبر
وتكون وحيده ياوالدي خاف الله في بناتك حاول
تساهم بالستر عليهم ليش كثر الشروط والتعقيدات
طيب في وقتنا هذا نبي بس الستر على البنات من
الفتن حرام لما انت ماتزوجها وتنحرف والله بذمتك
انت مسؤل قدام رب العباد لما توقف بين يديه وش
نقول وش عذرك تبي فلوس بنتك عذر اقبح من ذنب
حرررررررررررررررااااام وربي
وانتي ياامي وينك من كل هالموضوع الوالد
مايعطيكي وجه وماياخذ برايك طيب وسطي احد
حاولي بااسلوب واذا ماوافق ذكريه بالموت
والحساب والعقاب ذكريه انو يمكن ينام ومايقول
حاول بكل الطرق ولا تأسين
والله ياعالم اعرف مجموعه شباب يبون يتزوجون
مناصب يعني رواتب عاليه واخلاق ودين ومن
عوايل معروفه ولكن انرفضوا ليش
الله عالم مافي سبب كل الاسباب ماتدعي للرفض
والله العائله مستواها مو من مقامنا او العائله
مو مشهوره مثل عائلتنا ولا وحيد امه ولا ماادري
ايش يعني اسباب تافه
والله انو انرفضوا اكثر من اربع مرات الين خلاص
اتفقوا يسوون حمله لا للزواج من السعوديه
ونعم للزواج من الخارج ايش رايكم بهالكلام
مو حرام انو البنات يعنسون ويرفضون شباب مثل
هذوله والله واحد منهم قال خلي البنات ببيوت اهليهم
وحنا مو بضايعين اللي برا ماتتشرط ولا شي
وبعد ين من زين بنات هالوقت ماتعرف تتطبخ
ولا تنظف ولا شي كل شي على الشغلات
واللي برا متعوده انو هي اللي تسوي كل شي
ليش نتعب انفسنا
والله وانا اتكلم منقهره وربي
والله يابنات لما هذوله مجموعه يسون كذا وغيرهم
يشوفهم والله راح يتشجعون ويصيرون مثلهم
ويلا البنات راحت عليهم
انا ناصحه لكم وربي وخايفه عليكم انتبهوا وافقوا
اذا جا ودينه واخلاقه زينه والمال يجي مع الوقت
الله يستر على بناتنا وشبابنا يارب
والكلام هالحين للشباب ياقلبي لا تشترط جمال الشكل
وربي جمال الروح احلى وهو اللي يحلي الشكل
انتبه تغرك المظاهر ترى المداخل احسن واحلى
والشباب ماخذين فكره انو البنات وخاصه السعوديات
جاهلات مو مثقفات طيب ليش على بالك اللي برا احسن ثقافه
لا وربي اردى وكل همها تصرف على اهلها راح
تترك اللي من نفس اصلها وتاخذك لجمالك وسواد عيونك
لا حبيبي عشان فلوسك طبعا مااعم بس الاغلبيه
وهذا الكلام من واقع اشوفك
انا انصح واتمنى انو هالموضوع ينتشر في جميع المنتديات
يعني أي وحده تقراه اتمنى انها تنقله في جميع المنتديات
المشتركه فيها وراح نسوي حمله لا للعنوسه
ولا للمظاهر
والسلام خير ختام :09: تعبت
محبتكم في الله ام عبد الرحمن
عيون المها2 @aayon_almha2
عضوة فعالة
يلزم عليك تسجيل الدخول أولًا لكتابة تعليق.
وربي انك صادقه
صديقتي بالكليه تقووووووول ابغاه سكسوكه جامعي ولد عايله معروفه؟؟؟؟ لاكن ابد ماسمعت منها
دين اخلاق يصلي او لا
يارب ترزقنا بأزواج عاجلا غير اجل
صديقتي بالكليه تقووووووول ابغاه سكسوكه جامعي ولد عايله معروفه؟؟؟؟ لاكن ابد ماسمعت منها
دين اخلاق يصلي او لا
يارب ترزقنا بأزواج عاجلا غير اجل
الصفحة الأخيرة
استغفرالله مشكوووووووووووووووره اختي كفيتي ووفيتي