الي بحفلات دبي :34: :30: قويه

بس التصوير ما يعتمد على هذوله كلهم مجرد اضافات لاغير
اهم شي الفن والابداع في تصميم الشريط
افضل انك تبحثي عن الابداع افضل من المؤثرات الخارجيه
تحياتي لك عزيزتي

هلا بأحلام هالعام "2003"
اولا الف مبروك اختي و الله يوفقك و يرزقك الذريه الصالحه
ثانيا اضاءه بنفس اضاءات حفلات دبي ... عندك ملعب الراكه مافي احسن من اضائته ... عاد اضاءة حفلات دبي مره وحده الله يهديك؟ قويه اقوى من واسطه في ارامكو هاذي عموما ما عندي فكره عن الشغلات هاذي بصراحه <--- وشو له داخله تردين

لا بس انا حبيت اعطيك فكره عن تصوير مرام ... شوفي انا شفت الصور اللي عندهم مهي شينه اللي كانو حاطينها في الاستديو بس بالنسبة لتصوير العروسه ما عندي فكره اذا بيكون نفس التصوير او لا... لكن امانه انا صورت عندهم للجواز يا شيخه الله لا يوريك كيف 'طلعت في الصوره بصراحه" ما عرفتني" يعني ما عرفت نفسي تقولين مغمسين وجهي بطحين و الكاميرا من كثر ماهي داخله في وجهي حتى البثور اللي في خشمي طلعت في الصوره وبعدين الالوان انا بغيت اتحدى مع المصوره على خمسية ريال اذا كانت الصوره مهي ابيض و اسود الخلفيه اللي وراي كان لونها بيج على اصفر شوي طبعا في الصوره طالعه ابيض من بياض البيضه نفسها معناه ان التحميض لك عليه .

عموما انتي روحي بنفسك وشوفي ونا اقولك احتمال يكون تصويرهم للعروسه يختلف و حتى التصوير العادي "غير الجواز " برضه يختلف لان عيال اختي الصغار مصورينهم عندها بس ما ادري انا من ناحيتي ما عجبني التصوير ابد .

التصوير الصح "ايام ما كنت اصور" عندك وحده زنجيه في النصف الاخر خبيييييييييره في التصوير اسمها فيليبس داهيه في تحميض الصور انتي روحي بنفسك وشوفي تصويرها بس ياخذون على العروس 3500 بصراحه غالي مقارنة بباقي الاستديوهات بس هين التصوير مهوب صاحي وبعدين الزين فيهم ان التحميض يتم عندهم وانا بنفسي دخلت داخل وشفت المكان اللي يحمضون فيه الصور اما اغلب الاستديوهات نصب تقولك الصور ما تطلع برى ونا شايفه الفلبيني يوم جاب الصور وعطاها العامله في استديو مرام وبصراحه تضايقت لانها قالت لي الصور ما تطلع برى وبعدين واضح اصلا انه ما عندهم مكان لتحميض الصور داخل المحل . عموما انتبهي في جميع الحالات اذا انتي مصره انك تصورين لان الوضع الايام هاذي يختلف كثير عن ايام اول وانتي اكيد فاهمه وش انا اقصد "حمانا الله واياكي "

بالنسبة لمسكات الورد عندك نارينا عنده تشكيلات خيال بس اسعاره يعني مهي مره رخيصه ولاهي مره مره غاليه بس هين عنده الوان روز روعه وطبعا هو يطعمها باللون اللي انتي تبينه حتى لو قلتي له ابي ورد اسود طعم لك الورده بالاسود "عاد تخيلي ورد اسود ؟ والله من الذوق" بس فعلا انا مسويه عنده مسكه قبل كذا ما تتخيلين كيف سواها وبعدين لو تجيبين لو اي شكل حتى لو تطبعين له وحده من الانترنت و تعطينه الصوره يبي يسوي لك مثلها بالضبط .... تدرين انا مره لقيته مسوي ستاند ورد خلفيه طبعا تخيلي حاط لك ورد مع فراوله ..فراوله طبيعيه انا مسكتها وانهبلت "ابو الفسق" وشي فيه اناناس مخلي الستاند شي غريب ... بس مو تروحين تسوين مثلهم وتحطين تفاح و عنب .. حرام هاذي فاكهه تنأكل مهيب للزينه حطي فاكهه صناعيه اذا ودك يعني مثلا عبري "هههه امزح"

بالنسبة لزفة العروس و حركات النص كم حق الضيوف واللهي ما عنديش اية فكره ... اصلي مابشقعج الحاقات دي ابدا لان رضا الناس غاية لا تدرك و حريمنا لو توزعين لهن ذهب قالو وش ذا ؟ ليه ما وزعوا الماس ... الخ من الانتقادات- ناهيك- عن الحسد والعين الله يكفينا الشر "بس وش رايك في كلمة ناهيك؟ ما يمديك على اللغه طبعا كالعاده "

تمنياتي لك بالتوفيق في حياتك و تذكري اختي ان كل ما قلت التكاليف كل ما زادت البركه و التوفيق .

هذا و دمتم <---- يكتبونها في اخر الخطاباااااااااات :D

مسكات الورد رووووووووووووووحي الرابيــــــــــــــــــــــــــــــــــــــــــــــــه من غير اي تردد..

اسمعي نصيحتي لان هيام حقة المكياج وصتني عليه..

وجبت منه مسكة ورد ولا في الخيال....واغصان اوراق طايحه منها تجننننننننننننننننننننننن وبكم؟؟؟؟؟؟؟؟؟؟؟؟ 100 ريال فقط سعر جنااااااااااااااااااااااااااااااااااااااااااااااان...

السلام عليكم
ام نواف ياليت تدليني على مكان محل الرابيه
وجزاك الله خير

شوفي كانك رايحه الخبر وبالذات الراكه...

بتلقين اشاره يكون فيها على يمينك محلات عبداللطيف للاثاث..

ويسارك كبري ...

تلفين يسار من عند الاشاره..

بيكون محل الرابيه قدامك..

يعني محلات عبداللطيف يمينك والرابيه يسارك في الشارع الثاني...

وعشان تدلين اكثر اذا تعرفين نيوهورايزن بيكون ورى الرابيه ...

انشالله تكونين دليتي..

وبتلقين واحد لبناني داخل تصاميمه رووووووعه ... بيعطيكي كتالوج فيه تصاميمه..