بسرررررعة..أبقي أعرف شو تاخذون وياكم من الهدايا اذا سرتوا تخطبون؟؟

آسفة ماني من الإمارات..
أنا من السعودية.. لكن حبيت أرد عليك.. << ملقووووووفة :17:

إذا كانت الموافقة تمت وانتهت أتوقع تاخذون هدايا بسيطة للعروس.. سوار وخاتم.. ساعة.. قلادة..
البعض يسمون هذه الهدايا "قضابة".. يعني الهدية اللي تكون قبل المهر لما تكون مدة الخطبة طويلة.. وعادة تكون هدايا بسيطة.. والكثيرين ما يعطون شي قبل المهر.. يعني الموضوع مرن.. بس ما أدري عنكم..


ونصيحة خارج الموضوع.. إذا بغيتوا ترسلون المهر أو الشبكة تفننوا في إرساله وتغليفه.. حطوه في شنطة ماركة.. أو سلة حلويات فخمة.. وحطوا معه ورد مجفف أو بخور ودهن عود أصلي .. وإذا تبون حطوا معه هدية.. وحركات زي كذا.. لأن البعض الله يهديهم يرسلونه بشكا جاااامد.. شيك أو في ظرف.. يضيق الصدر كانهم شارين أرض..!

والله يوفقكم..

مرحبا اختي ..احنا لين الحين ما خطبنا لخواني بس بالنسبه لي ولخواتي يوم يو الحريم مثلا كانو ييبون صياني حلاوه مثل باتشي وفي خطبة اختي يابولها صندوق خشب"مندوس"فيه قطع قماش وعود ودهن عودودخون وطقم ذهب بسيط واايد بس حلو.
وانشالله اكون افدتج.

مثل ما قالت الاخت faith حزة الخطبه تودون صينية حلاوه من باتشي او غيره

وعقب ما يوافقون ( اتكلم عن خطبة اخويه ) ودينا شنطه فيها عطور وقطع وطقم ذهب وساعه من غير الشبكه طبعا

والله يتمم على خير ان شاء الله :27:

سمعي
اهلي ،الله يحفظهم ويرفع من مقدارهم ، يوم يسرون يخطبون
لازم سالفة الشنطة واللحين المندوس الشيك أوي أوي وفيه قطع راقية وحلوة وعطور مرتبة ، مش مال قوم بو عبود ، وخواتم ذهب وممكن ساعات وأشياء حلوة للعروس وصواني من الحلويات وكله يكون مرتب كأنه دخلة عروس ، مثل زهبة العروس المغربية لما يودونها .

هلا خواتي..

أختي رسيل.. مشكورة عالرد.. ومثل ماقلتي لازم الفلوس توصل بطريقة حلوة وضحكتيني كأنهم شارين أرض ههههههههههه
هي صح الموافقة خلاص موافقين بيت العروس بس لأنه هذي أول زيارة بتكون للحريم.. ولازم هدية على قد المقام مثل مايقولون.. وطبعا الشبكة والمهر بعدين.. والله يعطيج العافية

أختي faith مشكورة الغالية وماقصرتي عالرد.. فكرتج نفس فكرتنا بالضبط.. صينية حلويات.. مع هدية.. بس تدرين الصندوق مخلينه للشبكة بعدين وعاد هالمرة لازم تكون الصناديق عادية مب خشب لاكنها زينة.. بس شو هو المندوس.. يعني من محل مندوس والا أسمه جذيه.. ووين ينباع.. لأنه الأماكن ألحين متروسة صناديق بس هذا مادريبه نفسهم والا غير؟؟ ياريت توضحينلي.. وماتقصرين.. والله يعطيج العافية

هلا وغلا بالسلم.. كلامج صحيح ومنطقي.. مثل ماقالوا الخوات.. والأفكار ماشالله كلها متشابهه.. والله يعطيج العافية

أهلين وسهلين بالريم الصغير.. مشكورة الغالية وياريت تخبريني عند صندوق المندوس.. هل هو مثل الصناديق الخشب العادية والا شي معين؟؟ ومثل ماسألت الأخت faith ؟؟ والله يعطيج العافية