بسررررعه بكريات وغيرهم الي متوهقين بوجبات النونو

السلامــ عليكــمــ

معليش متسلف المعرف عشان هالموضوع

اليومــ جايبتلكمــ وصفاتــ روعهــ للاطفالــ من سن 7 شهور وفوق ووالافضلــ من بعد السبعه
يعني اذا تمــ سبعه شهور

مثل منتو عارفينــ تتعبين وتسوين وجبه لهالنونو الامور
وبعد عدة مراحلـــ سلق وخلط وحوسه تروحين طايره تبين تأكلين هالمخلوقــ الغريب خخخ
تتفاجأين انهــ يسكر فمهــ بقوووه ويدف اكلك بيديه والا يذوقهــ بس ويتركهــ
ولو وش ماتسوين ماياكلهــ الا ناااااااااااااادرا
واغلبكم مارين بهالمعاناهــ وانا اولهمــ

تدرونــ وش السبب؟؟

لان اغلب الاطفال مايبون الاكل المسلوقــ ويبون فن وذوق بالاكلــ
لاتستغربون ولاتضحكون هذي الحقيقهــ

عاد الله يعين عليهمــ

الحين بعطيكمــ وصفاتــ ومتأكدهــ بأذنــ الله انهمــ رح ياكلوها

()()()()()()()()()()()()()()()()()()()()

1-خضار (الي عندكــ كل يوم حطي نوعين كفايه)
مثلا كوسه وجزر او كوسه وبطاطس او فاصوليا وقرع ...الخ

جيبي حلهــ صغيرهــ وقطعي فيها بصله صغنونهــ اوربع بصله بس للطعم لا اكثر
حطي نتفهــ زيت يعني نص ملعقة الحلى اصغر ملعقهــ في العالمــ
خليهمــ ثواني بس تذبلـــ على نار هااااااااااااااااااااديهــ ولايتغير لونها

وحطي ربع حبه طماطم
وقلبيــ ثم اضيفي الخضار ونتفة ملح << لازم ملح نتفه نتفه مو اكثر
صدقوني احسن من ان نحرمه من هالوجبه الغنيه عشان رشة ملح صغيييييييييييييييرهــ

وشوية مويه وغطي خليها تستوي بس مو ساعهــ شويه الين تستوي وطفي النار
واخلطيها بس مو مرررررررررررررره خليها مكلكعه شوي بس مو كبار لا مجروشه يعني لان الطفل يقرف من الاكل المعجون
لاتستغربون هذا الي لاحظته
حتى لو عمره 8 شهور بعدين تعجبه القطع يجلس يمضغها على لثته ويصير يتشوق للملعقه الثانيه وهكذا

هذي تعتبر وجبه رئيسيه يوميه يوم اضيفي لها قطعه دجاج اخلطيها معاها
ويوم لا وهكذا

^_^

2-صفار بيض مسلوق اومقلي يخلط بزبادي<< يموتون فيها الاطفال

^_^
3-نص تفاحه مقشره مع 3 تمرات تسلق بقليل من الماء تخلط نصف خلطه

^_^

4-مكرنهــ
الطريقه نفس طريقة الخضار بصل ثم طماطم ثم الماء الساخن وكم حبة مكرونه وخليها تستوي واخلطيها
شوي وقدميها

^_^
5-شعيريه باكستانيهــ مع حليبــ جيبي مقدار من الشعيريه واسلقيها في حليب
حتى تصبح شبه سايله مع اضافة سكر نبات وماتحتاج خلط لانها تذبل وتصير زي الهريسه

^_^

6-شوفان<<< هذي الاكلهــ الي بجد بجد رح يتجنون فيهاا

افرمي بصله وشوحيها نتفه على النار مع نقطة زيت وضيفي نصف طماطم ثم ملعقتين كبار شوفان
وكوب ماء ونتتتتتتتتتتتتتتتتتفة ملح وخليها تطبخ عشر دقايق
وقدميها مع ربع توست اسمر قطعيه مربعات صغاااااااار وارميها في الشوربه
ولاتعجنيها معاها
رح يخلص الصحن

^_^

7-جيبي 3 تمرات وقرع عسلي مقطع مكعبات واسلقيهم على النار واخلطيهم طعمممممممممه مره


8-شويه دجاج مستوي من غداكم مثلا اضيفي له ربع خياره ونقطة ليمون واخلطيهم

9-مهلبيه بس احسها ثقيله ع الاطفال الي قبل السنه



()()()()()()()()()()()()()()

العصيراتـــ :

مهمهــ جدااااا

لاتقولين مايحب تعبني مايشرب
حاولي مره وعشره واضيفي له حاجات الين يتقبله
واذا طفلك يحب المويه كثري مويه ع العصير ياخذ نص الفايده ولاينحرم منها بالمره

مثلا برتقال وعنب
برتقال وسكر نبات
عصير تفاح مخفف بشوية مويه << بيحسبه مويه ويشربهــ للي اطفالهم يحبو المويه

وابتكري طبعا كل الفواكه حلوه للاطفال ماعدا الفراوله المنقا المفروض بعد السنهــ

مشروبات دافيهــ

اكيد الكل يعرفها بس هالنصيحه للبكريات

ملعقه الحلى يانسون مع 3 تمرات ويفضل الرطب بدال التمر
انقعيهم بمويه ساعه ساعتين مو اكثر وصفيهم وشربي طفلك
واذا مايحبها احتالي عليه
وهو نايم خليه يجووع شويه وشربيه

ومنقوع التمر لحاله مفيد كمان
وعندك منقوع الرطب
واحيانا اضيفي لمنقووع الرطب او التمر خمسه او عشر حبات حلبه


نصايحـــ

الي طفلها مايتقبل شراب معين تعطيه وهو نايم
اذا جيتي تأكلين طفلك العنيد امضغي علك وانت تأكلينه يحسبك تاكلين معاه بيضطر يقلدك
اقصد اطفال الشهور

حطي مويه مع الاكل لايغص بعيدالشر بعدين تقومين تدورين
بعد اربع خمس ملاعق اعطيه شويه مويه خليه يسلك خخخخخخخ
اهدي عليه لاتصارخين تبينه ياكل لانه مارح ياكل بهالطريقه مجرد سببتيله رعب عالفاضي

اذا مره مره مره قفلها معاك ومو راضي ياكل خلاص اتركيه ساعه او نص وارجعيله
عاد الله يعين عليهم شنسوي
وكمان اذا اكل من اربع الى 5 ملاعق وشبع خلاص اتركيه لاتضغطين عليه عشان مايكره الاكل بعدين

في بعض امهات لاحظت عليهم بس تعطي في ذا الحليب مع ان طفلها صار 7 شهور وفوق
كله عشان تريح نفسها الحليب اسهل
هالشي غلطططططططططط الطفل محتاج تغذيه مو بس حليب

يحتاج وجبتين باليوم
وجبه الساعه 12 الظهر هذي وجبة الغدا << يوم اضيفي لها دجاج ويوم لا

وجبة العشاء هذي بدري الساعه 6 او 7 المغرب
خليها مختلفففففففه عن الغدا مثلا خليها حاليه عشان ينوع ومايمل من الاكل المالح

ولاتنسين المويه اعطيه وكثري له اذا عرررق او لعب كثير
خاصة الي يراكضون في المشايه يحزنون يعطشوووون مره
خليه يشرب الين يتركها بنفسه

الحين صار عندنا وجبتين و3 رضعات حليب ومويه ورضعة منقوع وهو نايم

بكذا تكونين غذيتيه كويس والله يحفظهم لنا
وان شاءالله اكون قدمت شي للاطفال الله لايحرمنا منهم