بسرعة خلونا نستعرض تجاربنا مع القرمز .......

صباح الخير و مساء الخير يا بنيات
ايش رايكم ان احنا بهالموضوع كل وحدة فينا تحط تجربتها مع القرمز لتلوين الشعر , عشان بالنهاية نستخلص افضل طريقة اللي تفيد الشعر و نحصل على أروع النتائج.
أولا بابدأ بنفسي بس تحملو هذرتي :42::42: أنا أحب السواليف
أنا بصراحة من المغرمات باللون الأحمر في الشعر بدرجاته, عشان كذا تلقوني اترزز بالمنتديات ادور شلون أصبغ شعري أحمر بس المشكلة طبعا اللي الكل يعرفها ان اللون الأحمر ما يثبت أبد يعني اذا بقى أسبوع أعتبر نفسي سعيدة حظ,
هالاسبوع أنا جربت القرمز مع الزبادي بس أبد ما تلون شعري , بس ما فقدت الامل و جربته مع الحنة ثاني يوم, بصراحة النتائج كانت روووووووووووووووعة و أكثر من روعة درجة اللون كانت ناري نفس اللي أنا احبه. طبعا احب اوضح شغلتين :
1- ان القرمز مع الزبادي يصبغ على البشرة و على اي شي يجي عليه بس على شعري ما صبغ أبد !!!, بس لما خلطته مع الزبادي و الحنة ما ترك اي اثر على بشرتي مع اني انا اللي حطيت لنفسي بس انه صبغ شعري(مع العلم اني ما طولت يمكن بس 3 ساعات و غسلته ).
2- الشي الثاني ان القرمز يلون بس الخصل اللي تكون مصبوغة أو فيها لون من قبل بس باقي الشعر صار فيه لمعة حلوة بصراحة بس ما غيرت لون شعري الأساسي.
المهم هذا اللي صار لي هالاسبوع و على فكرة انا توني سويته الجمعة اللي فات يعني ما له ثلاث ايام ما ادري اذا بيثبت او لا, بس ان شاء الله بعد فترةاقول لكم ايش ممكن يصير.
يا الله خلونا نشوف تجاربكم يا حلوين.
:26::26::26::26: