ممكن بعد مفارش الأسرة وخصوصا لو معاها قطع كثيرة وخاماتها زينة

والله يا حبيبتي فيه اشياء كثيره وحلوة عندك هناك
عندك مثلا:
فرش السرير ,
أطقم حمام , شموع وروائح عطرية
المكياج ( أبحثي عن الماركات الغير متوفره بالخليج) ,
تركيبات صينيه لتخفيف الوزن. بتلاقينها عن الجاليات الصينيه هناك
وملابس حلوة خاصه بالاحجام الكبيره.
انا ذبحني ايفااااانز ما الاقي مقاساتي الا عنده وغاااااااااااااليه ناااااار ....بس الشكوى لله مالنا غيره بالسعوديه. والله تسوين فينا خير حنا الدبدوبات لو تجيبين بلايز و قمصان نوم خاصه بالاحجام الكبيره ويكون سعرها مناسب . وبكون لك الموزعه بالسعوديه أني اعرف حالات كثيررره زي حالتي وصعوبة ايجاد ملابس وقمصان نوم تناسبنا.
وبالتوفيق ان شاء الله

اختي انا اقترح عليج تبعين بضاعه متنوعه يعني لكل الأذواق

انا اقترح تبيعين بلايز فيها حركات غريبة او تيورات فخمة واسعارها حلوة وجاكيتات
وممكن بعد تبيعين مثلا شوكلاتات ماتنباع عندنا باسعار حلوة مثل المارس والكيت كات لانا اسمع انه بنكهات طبعا يكون اسعارة حلوة لانها ماكولات
وممكن ادوات الطبخ الغريبة الي موموجودة عندنا مثل اغراض الكيك وتزيينة وقوالبها
وملابس اطفال بعد

الاشياء الي فيها غرابة بشكل عام
راح يكون عليها طلب ان شاء الله

يعني لما تجيبين اكسسوارات لايهمك انك تجيبين اكسسوارات وبس
لا جيبي الاكسسوارات الي مميزة بالشكل او بالتصميم

ايضا ملابس البيبي والكبار