بسرعه ادخلوا ابيكم في استشاره قبل بكره\ سؤال عن عزيمه وتم التعديل

رفع

ماعندي خبره ان شاء الله البنات يفيدونك
رفع يالغلا

مساء الورد
والله ما عندي خبرة بس أحس عدد الدجاج قليل بالنسبة لعدد الرجال إذا كان هو الطبق الوحيد مع سلطات بس
ترى أنا أكره التبذير و أنقهر من بعض البوفيهات المبالغ فيها بس أحس الدجاج ما راح يكفي
بالتوفيق

اول شيئ ياعزيزتي اربع دجاجات قليله سوي على الاقل خمسه دجاجات ونفس طريقتك للبرياني بس ضاعفي الكميه يعني استخدمي مثلا ثلاث علب لبن وكثري البصل
حطي الزيت على النار وبعدين حطي البهارات الحب زي الهيل والقرفه والقرنفل والفلفل الاسود الحب والخولنجان
وقطعي سته حبات بصل متوسطة وحطيها بعد ماتحمسي البهارات في الزيت حطي عليها البصل وبعدين تكوني طبعا مقطعة الدجاج ومنظفته وشايله منه الجلد حطيه لمن يتحمر البصل يعني يسير لونه اصفر ويذبل حطي ثلاث حبات ماجي وبعدين تكوني مقشره ومقطعة البطاطس حيها عليه بس قبل خلي الدجاج يتقلب مع البصل والماجي والبهارات الجامد لين ينزل مويته وبعد كده حطي البطاطس وفي زبدية حطي اللبن والفلفل الاسود والكمون وقليل زنجبيل مطحون وكزبرة ناشفة وقليل هيل مطحون وملح ليمون وإذا كان عندك صفار الزعفران حطيه وإذا ماعنك حطي كركم بس عشان يعطيه اللون الاصفر وبعدين قلبيهم مزبوط وحطيهم على الدجاج والبطاطس وزيدي عليهم مويه وخليهم يطبخو وفي قدر ثاني اسلقي الرز انا اشوف انو عشره اوتسعة كاسات جبنه تكفي وانت شوفي احسبيها مثلا كل اثنين بكاسه غسلي الرز زحطي معاه ملح وهيل وقليل زيت وحطيه على النار وغطيه وغطي القدر اللي فيه الدجاج كمان وجيبي فنجان صغير وحطي فيه ماء كادي نصو وزعفران إذا ماعند زعفران حطي كادي لوحدو وإذ ماعنك كادي حطي زعفران لوحدو وإذا ماعند الاثنين مو لازم بس يعطو البرياني طعم جنان المهم اذا عندك حطيهم في الفنجان وزيدي شوية موية حارة. وشوفي البطاطس والدجاج إذا جهز دوقي الملح إذا ناقص زيديه وبعدين لمن يجهز البطاطس والدجاج اذاج جهز وجاء وقت الغرف حطي ثلاث ارباع كميت الرز بعد مايستوي فوق الدجاج وحطي عليه الكادي واقلبيه بشويش واغرفيه وبعدين حطي فوقه الرز الابيض اللي باقي وبعدين زينيه بالبقدونس واللوز البجلي المحمص او الصنوبر وبالعافية ***** الله وقدميه مع سلطة الخيار واللبن وحطي معاها قليل نعناع يعطيها طعم رائع هذي طريقتي وسامحيني اذا طولت ولاكلامي متلخبط لانو ولدي قاعد يبكي وبنتي طفشتني الله يهديهم ودعواتك

أفضل شيئ من غير اسراف بس احسب كل اثنين في دجاجة او بالكثير كل ثلاثه والرز كل اثين بكاسة جبنه وزيدي عشان لاينقص وبعدين ثاني يوم اتغدو بيه و***** الله مايزيد كثير بس اربع دجاجات مره كثير بالخص إذا كانو رجال وبس رز مع السلطات