اخواتي
انا استخدمته للوجة وصحيح انة يسبب احمرار وجفاف لكن النتائج الحمد لله
مرضية لكن انا استخدمتة للرقبة مع وجهي والله لايوريكم سبب لي فيها
اسوداد الي الان اعاني منة صارت ارقبتي كانها محروقة
الله يخليكم الي عندها حل تقولي وبسرعة

الله يخليك عزيزتي فيمتوووووووووو ويسعد ايامك ويجعلها راحه وفرح وسرور
والوردالزهر ان شاء الله البنات يفيدوك
اممممممممممممم عيون الريم سلامتك واللله ماتشوفين شر
استخدمي النشاء مع مويه الورد وحطيه لين يجف ترااه يبرد\ مررررررره

:27: :27: اتمنى جميع الاخوات يشاركونا
(الله يفرج لكم كل كربه ويهون كل عسير -ويقرب كل بعيد ---وكل وحده تشارك معي الله يناولها الي في بالها :32: ويجعل ايامها وايامنا ورد وياسمين وخضره ونعيم يااااااااااااااااااارب)

أنا استخدمت هالكريم ولون الأنبوبه كان أبيض مع أصفر، بس الطبيبه وصفتلي إياه للصدر والظهر واليدين، وهو مفعوله مثل المقشر، وكان يسببلي احمرار خاصة في منطقة الصدر، بس مع كثرة الأستعمال خفت الحبوب بشكل كبير، أما حق الوجه أنا عشان بشرتي حساسه الطبيبه ما وصفتلي هالكريم لأن البشره الحساسه ما تتحمله، عشان شذي عطتني دواء سائل مثل الغسول اسمهstiemycin solution وكان جداً ممتاز ، لايسبب أي احمرار ولا يقشر البشره يعني تكونين كأنش ما حاطه شي ، وتقدرين تطلعين في الشمس مافيه أي مشكله، وكنت أحطه مرتين في اليوم.
فإذا كانت بشرتك حساسه ما أنصحش إنش تستخدمين retain A لأنش راح تتلعوزين معاه كثير.
ولا تنسين تدعيلنا.

هلا بالبنات
pink_rose .... الرتين لايمكن يزيل البقع السود الى فى الوجهة
وهو يحمر الوجهة ويحرقة بشدة بس عند الأستخدام الخاطئ
شوفى لما عطانى الدكتور الريتين صرت أحطة بشكل عشوائى وكنت أدهن بكثرة كأنى أدهن كريم عادى بوجهى ولما صار وجهى أحمر مرررة وأحس بحرقة رجعت للدكتور وقلت لة أنهبل قال أنت وشلون تستخدمينة قلت لة على طريقتى قال مو كذا أستخدام الرتين
لازم تأخذين منة شئ بسيط يعنى أكبر من حبة العدس بشوى وتوزعينة على شكل تنقيط فى البداية وبعدين دلكى وجهى خفيف علشان الكريم يتوزع وفعلا
صار فى فرق عن أول قل الأحمرار
^عيون الريم^..... غريبة سبب لك سواد هل كنت تتعرضين للشمس أثناء أستخدامة .... ياليت عندى لك حل كان قلت لك
هيو......... ياعمرى على الدعاء تسلمين وجزاك الله خير


تحياتى للجميع :26:

السلام عليكم ,.، هيو ...

حالياً أنا أستخدم كريم ريتن A من شهرين تقريباً ..,. والكل لاحظ الفرق الكبير.. وصارت فيه بشرتي أحسن وأحسن بس بقت الآثار اللي أتمنى انها تزول إن شاء الله .. قبل ما استخدم هذا الكريم ,, كتبت موضوع عن منو اللي جرب الريتن أ .. وكثير من خواتي ردوا علي وشجعوني أني أداوم على إستخدامه واالحمد لله داومت وحصلت النتيجة ,, بس دورت لج اللينك للموضوع بس ما حصلته...!!!

وبعد مرور شهرين من إستخدامه قالي الدكتور.. انه 30% بشرتي اتحسنت .. والعقبا لل 70% إن شاء الله ....

نصيحة مني .. في أول إستخدام بتلاحظين إن بشرتج راح تحمر وبعض الحبوب المستقبلية بتظهر وبتبدأ بشرتج تقشر ,. بس ما عليه أصبري ولا تسمعين كلام الناس.. مثلي .. يعني طنشيهم ;) ;) وبعدين بتلاحظين الفرق بعد مرور الأيام......

أتمنى إنج ما مليتي من ردي الطويل لج .. وإذا عندج أي إستفسار تراني حاضرة .. بس عليج بالمداومة على الكريم ..

تحياتي ،،

شهد