بسرعه تكفين أبي تدقين عليه

السلام عليكم
اخت زوجي كل مااخذت له قيلوله وحلمت حلم دقت على شيخ يفسره
تعشق تفسير الأحلام
حلمت فيها حلم وقلتلها اياه حتى نسيت تفاصيله حلم عادي
قالت بفسره وراحت وسألت شيخ وقال خلي صاحبة الحلم تدق
وتبلشني دقي لاترسلين دقي دقي هو يرد دقي تكفين ولها اسبوعين تترجاني ادق
قلت طيب ابشري وانا كارهه افسر وما احب افسر الاحلام ابد أتشائم من تفسير الأحلام
عطتني اخت زوجي الرقم وقالت دقي عليه الحين قلت بدق لكن اذا اعتذر او مشغول خلاص ماراح ادق عليه ولا راح افسر فكيني الله يسعدك مالي بتفسير الاحلام ولا احبها قالت خلاص مو مشكله بس دقي عليه إنتي
رحت اخذت جوال بنتي ههههه وقلتلها خذي صورة العرض حقت الشيخ بالواتس وحطيها في جوالك
وبرسلك ياشيخ اريد تفسير رؤيه واكتبي انا مشغول حاليًا الرجاء عدم الاتصال ولا الازعاج 😂🤣 قالت بنتي طيب
ارسلت اخت زوجي الو الو هاه ارسلتي قلت ايه وارد وصورلها الشاشه شوفي قال الرجاء عدم الازعاج خلاص ماراح ادق
غطت ساعه ثم رجعت ترسل ليش سويتي كذا ليش تكذبين
ليش مافسرتي الحلم
طبعًا انا التوتر الفين كيف عرفت وشلون دريت انه مو الشيخ معقوله دقت عليه قالت مرت اخوي دقت 😂 انا طنشت ومارديت عليها من الفشيله ماتوقعت انكشف 😂 صورة العرض شيخ وكتبت اسم تفسير احلام ومافيه رقم ولاشي يثبت شلون عرفت
انا الحين مت فشل مادري شلون ارقع لها وبنفس الوقت ودي تفكني من سالفة ها التفسير ازعجتني 😭 اخاف يصير تفسيره شين ما اطيق افسر احلام وهي مصممه افسره عشان هي كانت بالحلم لاعادت عليه من حلم