السلام وعليكم
يا بنات ودي اعرف اذا انتي من بلد وزوجج من بلد
باي لغة لازم تتكلمي مع عيالك
يعني انا اماراتيه وزوجي سعودي
وعيالي ما اعرف ضايعيين بلغتهم هل اكلمهم بلهجة ابوهم وبلدهم اما بلهجتي
يعني بقولكم على اختلافات اللهجة
الماي____مويه
غلاص ___كاسه
بسير_____بروح
هيه______ايوه
كندوره____ثوب
نعال____مداس
ازقر____نادي
ربيعي___صديقي
واشياء كثيره مختلفه
مثلا حتى بنتي ما اعرف كيف اخاطبها يعني بالامارات لو ابا اقول لبنتي اني احبها اقول:انا احبج
بالسعودي انا احبك
فهل تعتقدون الموضوع عادي واننا لازم ما نركز ولا لا لان بنتي بتاخذ لغتي بالاخر واولادي بياخذون لغتي مع لغة ابوهم
شو رايكم هل هذا بشتت العيال ولا عادي
يلزم عليك تسجيل الدخول أولًا لكتابة تعليق.
عذبة الكلمة
•
الله يعينك بس احسن شي ياخذون من لغتك ومن لغه ابوهم وتفهمينهم الكلمات الابالاماراتي وش معناها باالسعودي ,, تقبلي مروري
شوفي حبيبتي احنا نقول نعال مو مداس بعدين السعوديه كبيره ولهجاتها مختلفه يعني
اشوفه عادي يقولون ماي مويه مافيها شي ولا راح يشتت العيال ياقلبي لاتخافين
اشوفه عادي يقولون ماي مويه مافيها شي ولا راح يشتت العيال ياقلبي لاتخافين
فلتي
•
اولا هي لهجه ماهي لغه لان اللغه العربي والانجليزي وثانيا اذا كنتوا عايشين بالسعوديه فلازم تكلمينهم باللهجه السعوديه علشان اذا درسوا ماتتذبب شخصيتهم مثل ماانتي عارفه الاغلبيه سعوديين واذا انتم عايشين بالامارات فكلموهم اماراتي
الصفحة الأخيرة