بسرعه يا أخوات أبي مساعدتكم

بسم الله الرحمن الرحيم

السلام عليكم ورحمة الله وبركاته



حبايب قلبي أحتاج معونتكم


هذي حرمه أقدر عمره بالخمسينيات صار لها أسبوع تتردد على بيتي و تطق تبي تقابل زوجي

طبعاً المرأه تجي مع بنتها كبيره وأنا ما أفتح لها و أشوفها مع عدست الباب

ولما تطق ما نرد عليها نسكت و قبل أمس الجمعه جت هي وبنتها بعد صلاة العشاء و رديت عليه

لأنها صراحه زودتها بالتردد

قالت تبي تقابل زوجي قلت ما يقابل أحد بالبيت خاصه أنك حرمه أنتي وبنتك لحالكم ومامعكم محرم

إذا تبغين شيء روحي للمحكمه سكتت وراحت

و جت أمس السبت الساعه 11 بالليل يعني قبل ساعه ونصه و طقت لما شفتها مع عدست الباب

كانت جايبه بنتها وولدها شاب قالت جبت محرمي قلت لها

ما يستقبل أحد بالبيت تلاقيه بالمحكمه من الساعه 8 الصبح إلى الساعه 3 الظهر بس بالبيت ما يستقبل

أحد قامت تصيح و ترفع صوتها و تتحسب الله على من ظلم ولدها أنا سكت مدري إيش أقول لها

لأني مدري إيش قضيتها

قالت طيب أفتحي الباب خوذي الأوراق عطيها زوجك قلت حطيها عند الباب

حطتها وراحت هي وعيالها

فتحت و أخذت الظرف وطلعت الأوراق اللي فيه وقريتها


الأخت المحترمه ولدها موقوف بالسجن بتهمة تعاطي مخدرات وله سوابق و سبق و سجن لمدة شهر

أول مره أنمسك فيها و تطلب من زوجي يعفي عنه و ما يسجنه و يعاقبه إي عقوبه غير السجن

علشان ما ينفضح قدام أهل عروسته اللي ملك عليها قبل أسبوعين و زواجهم بشهر 7

طبعاً زوجي يقول مستحيل أعفي عنه له سوابق و حكمه ما يقل عن سجن 6 أشهر



أنا مالي شغل بكل هذا اللي قاهرني كيف تغش بنت المسلمين بولدها

ياناس خافو الله ببنات الناس لا تغشونهم الطلاق و العنف الأسري كثر هذا غير الأطفال

اللي يكونون ضحايا لبلاوي أمهم و أبوهم



أنا قاهرتني الحرمه وقررت أدخلها لا رجعت لأنها قالت تبي ترجع مره ثانيه

ودي أمسح فيها القاع بس مدري كيف

أحس قلبي يغلي منها وحطيت نفسي مكان العروس المسكينه اللي ما تدري عن شيء

تلاقونها فرحانه و جالسه تجهز وتنتظر أجمل أيام حياتها وما تدري أن زوجها المصون متعاطي

من زمان و أهله غاشينها فيه

المشكله أحنا بمحافظه أهلها جداً مترابطين ويعرفون بعض بس ما تبين الفضايح إلا بعد

ما يطيح الفأس بالرأس وما يمدي الواحد يسأل عن العروس والعريس بحكم أنهم مترابطين

مع بعض و يعرفون بعض




يالله يا عزيزاتي الموقف طازج و أنا أفكاري تضاربت أحس كل شيء فيني يدخن من الشر

عطوني حلول أبرد فيها حرتي لا رجعت بكرا أو بعده