بسرعه يا بنات قطر الكشخه000000لحقوو علي

هلا اختي وحياج في قطر..بالنسبة لماركة كريولان بتلقينها في صالون قنطار وهو موجود في مجمع البستان اللي في السد
بالنسبة للشنط الماركات بتلقينها في اكثر من مكان..في فندق الريتز كارلتون عندهم جوتشي وبرادا وكلوي ودي اند جي
وفيندي وبعد ماركات ثانية
واذ بغيتي موسكينو وفالنتينو وماركات ايطاليه بتلقينها في السلام
وعندج روبيرتو كاقالي في بوتيك جلامور وعندهم شنط فرساتشي على ماعتقد
ولاكروا وجيفنشي وماركات ثانية في ميرش اللي في المول
وفي اسكادا وكينزو وماكس مارا وموسكينو في مجمع امبريرم عند اشارات رمادا
عموما كل هالمحلات اللي ذكرتها يبيعون ملابس بعد وضيفي الصالون الازرق معاهم
اي اسئلة ثانية انا حاضرة

الف الف شكر حبيبتي وتسلميين لي يالغاليه ويا رب يعز قطر واهلها

طيب حبيبتي حبيت اسال وشي احلا محلات الملابس في نفس سيتي سنتر بالضبط وعساك على القوه

مرحبا ألف يا جودي الصغيرة ، حياك الله في ديرتك وبين أهلك .
بالنسبة لماركة كريولان مثل ما قالت أم ياسمينا

تنباع عند مركز قنطار للتجميل الموجود في مركز البستان في منطقة السد جنب مصرف قطر الإسلامي .
ومجمع اللاند مارك ، مجمع حلو فيه محلات بدل كثيرة وحلوة تقضي منه بتحصلين أشياء كثيرة بتعجبك..
ومجمع الستي سنتر حلو وكبير حيل فيه محلات موجودة عندكم بالسعودية لكن البضاعة تختلف من بلد لبلد .
محلات البدل ( أنوتا ، واي باي ، فيرا مودا بدله حلوة وناعمة ، oui ، إيطاليا جاليري ، أنجيه ، سبلاش ،woolworths ، فاشن دوت كوم ، برمود ، بنتون ، تيرانوفا ، جيراندو ، وفيه بوتيكات صغار فيهم أشياء حلوة وغير محلات فساتين السهرة ......... )
محلات الشنط و الأحذية ( هاي لاند ، ناين ويست ، ميلانو بس مو ميلانو اللي شعاره حرف M هذا واحد ثاني بس غالي شوي ، المليونيرة ،........... )
طبعا السنتي سنتر كبير حيل حيل ، لحد الحين ما رحت كل المحلات الموجودة فيه .
مجمع حياة بلازا
مجمع المول
هذا أحلى مول لأنه هادئ وصغير وملموم على بعضه
فيه محلات المكياج والعطوروالشنط الماركات ( السلام ، ميرش ، هاي لاند ) ، وفيه (أوبرا كافيه) تريقي فيه لأن مثل ما قلت تاخذين راحتك .
وفيه محل حلوة بدلة حيل مو موجود إلا في لبنان وقطر ودبي ما أدري فيه في السعودية ولا لأ، موجود في
مجمع رويال بلازا في السد . إللي هو إنزو


وإن شاء الله تستانسين عندنا.
:27:

صراحة الخوات كفو وزيادة لكن اذا تبين جلابيات كبرى والجلابيات الراقية بتلقينها في محلين خلف السنتر في مجمع صغيرون اسمة البستان وعندج اسواق ممكن تلقطين منها حق الصوغه واسعارها زينه مثل سوق الجبر واذا تبين القطع عندج سوق الديرة وفي محلات في شارع السد عندهم قطع راقية يعني باختصار اللي عندنا:
سيتي سنتر/ لاند مارك / المول / حياة بلازا / رويال بلازا / سوق الجبر والديرة والاحمد (جنب بعض )/ شارع السد وسلامتج اذا نسيت شئ ذكرونا يا جماعه0000

يا رب يسلملي بنات قطر يا رب ويحفظهم من كل شر

حبيبتي محطات :يالغاليه كفيتي ووفيتي وربي شوقتيني اروح اليوم قبل بكرا ويا رب يرزقك الجنه وكل مسلم

حبيبتي ام فهد:تسلميين يالغاليه ويا رب يخليلك فهد وابوه ويرزقكم الجنه اجمعيين

فعلا زي ما قالو ان قطر تغيرت واحلوت انا من الرياض واسواقنا كبيره ومتشعبه بس المشكله اني ابي لبس مميز وغريب وما يكون عندنا مثله

يالله هل من مزيد ترا انا طماعه وانتو اهل الكرم