بسكوت اللوز جنان وسهل ولا بسكوت المخابز

حبيباتي... واحشيني مووت
ما بطول عليكم
بكتبلكم طريقة بسكوت باللوز لذييييييذ تعلمته من زمان من إختي ولين اليوم أسويه والكل يتحراه جاهز...

المقادير
2 كوب طحين رقم 1
1 كوب لوز مكسر... (يعني مدقوق مب مطحون)
نص زبده متوسطة... لازم لينه أي بدرجة حرارة الغرفة
حبتين هيل مطحون
شوية فانيليا
1 ملعقة شاي بيكربونات الصوديوم
3 ملاعق سكر مطحون

أول شي إخلطي كل المقادير الجافة مع بعض... وآخر شي ضيفي الزبدة وافركيها مع بقية المقادير لين تتجانس، وخليها لمدة 5 دقايق وبعدين ابدي الشغل...
افرديها على سطح نظيف بسمك نص سم، وبعدين قطعيها بالقوالب أو بالسكين
المهم شكليها... وصفيها في تيفال مدهون شوي ودخليها الفرن على درجة حرارة 160 م لين ما تحمر شوي من تحت...
يا حلوات ... أقول تحمر مو تحترق... هههه وبعد شوي تحمر من فوق
لازم اللون يكون ذهبي فاتح واااايد

وبعد ما اطلعينه من الفرن رشي عليه سكر مطحون وهو حار وخليه لين ما يبرد وبعدين صفيه في صحن التقديم وعليج بالعافية
أتمنى إنه يعجبكم... وأوعدكم إنه بيعجب كل إللي ياكلة
طعم اللوز فيه مممممممممممم جنان

أنتظر ردودكم يا أحلى بنات...