السلام عليكم ورحمة الله
من زمان كنت ناويه اسوي شي انزله بالمنتدى لكن كنت مترددة لاني ابغى شي مميز او جديد :32:
وانا احب الاعمال اليدوية بكل انواعها وكنت اتفرج على شغل عجين الفيمو
وتقدرن تعملن بحث بالمنتدى و النت علشان تتوضح الطريقة ولكم حرية الاشكال لكن انا اعجبتني الوردة
وجاءت الفكرة ليش ما اسوي بسكوت بنفس الطريقة<<<<<<:hahaha: (قالت قصة حياتها)
ومن هنا جاء هالطبق
اولا اذكروا الله وصلوا على النبي
لا اله الا الله
محمد رسول الله
نبدأ بالمقادير
اصبع زبدة بدرجة حرارة الغرفه__ نصف كوب سكر حبيبات __ بيضة__نصف ملعقة بكنج بودر __ رشة ملح __ تقريبا كوبين طحين على حسب العجين __ الوان طعام
نبدأ بالطريقة
نخفق الزبدة مع السكر بالمضرب الكهربائي حتى يبهت لونه ويصير لونه فاتح
نضيف البيضة والبكنج بودر والملح ونخفق مرة ثانيه حتى يمتزج جيدا
نضيف الطحين على دفعات صغيرة ونعجن باليد حتى تتشكل عجينه لينه ولكن لا تلتصق باليد
تلاحظون الوعاء نظيف ومكان ضغط اليد واضح
يعني العجينه لينه ولا تلتصق وهذا علشان يطلع البسكوت هش ومو يابس
يتبببببببببببببببع لا يرد احد بليييييييييييييز :26:
نكمل مع بعض
نقسم العجين ثلاث اقسام حسب الصورة الصغير لقلب الوردة والوسط للبتلات والكبير للاطار والتفاصيل
نبدأ بالتلوين ومثل ماتلاحظون استخدمت اعواد الاسنان لوضع اللون علشان مايطلع كثير واضيف اللون على حسب الرغبة
ولكن حرية اختيار الالوان
وهذي العجينه بعد التلوين
نبدأ بالمهم
نقسم العجين الاحمر ثلاث اقسام وناخذ جزء من العجين السادة ونقسمه ست اقسام صغيرة
نسوي العجين الاصفر والاحمر على شكل اسطواني وطولها نفس بعض وبعدين ناخذ اسطوانه حمراء ونشقها من الوسط زي السندويش بدون ما نصل النهايه
ناخذ جزء صغير من العجين ونسويه اسطوانه ثم نضغطه ونحشي فيه الاسطوانه الحمراء
الصور توضح الفكرة اكثر
ناخذ جزء من العجين السادة ونفرده علشان نغلف الاسطوانه زي الصورة
ولو لزقت العجين على الطاولة يمكن رفعها بالسكين
وحتى لو صارت متشققه مو مهم لانها ماراح تبين بالنهايه
بعدين ندحرجه على الطاوله بشويش علشان تصير طول الاسطوانه الصفراء مرتين
يتببببببببببع لا احد يرد بليييييييييييييييييز