لا تنسوون تدعون للعضوه الي ساعدتني بالصور بالذرية الصالحة ولكل محرومه
المقادير:
1.5 كاس دقيق الذره. (الي هو النشاء)
2 كأس طحين رقم 1.
1 كأس سكر بودره.
2 ملعقة صغيرة بيكن باودر.
3 بيضات.
2 أصبع زبده (113غرام) ( أنا ما أستخدم إلا زبدة بريزدنتس أفضل زبدة للحلويات وما اتخلي البيتي فور جامد )
الطـــــــر يــقة:
1. يضرب البيض مع السكر في الخلاط.
2. يضاف دقيق الذره والطحين والبيكن باودر الى الخليط السابق ويعجن باليد الكهربائيه
3. ثم تضاف اليه الزبده بعد اذابتها لتصبح سائله.
مقادير التوفي:2 فنجان قهوه سكر خشن.
1 علبة قشطة.
قليل من الزبده.
4 ملاعق كبيرة حليب سائل مركز.
طريقة التوفي:1. توضع قليل من الزبده مع السكر على النار حتى يحمر لونه ثم تضاف القشطة والحليب المركز مع التحريك المستمر حتى يصبح غليط القوام ويميل لونه الى اللون العسلي وبعد ذلك يترك ليبرد وبعدها يصب في قوالب البسكويت.
وصحتين وعافيه
تكور العجينه لكور صغيره وتوضع في قوالب الجهاز وعند اخراجها من الجهاز يستعمل لذلك عيدان الخشب الصغيره.
بالنسبه للعجينه تكون مثل عجينة البتي فور تسمح انك اتشكلينها على شكل كره صغيره وتحطينها في القالب البيضاوري يعني لا تكون سائله ولا تكون ناشفه واجد واي طبخه اكيد تعتمد على المقادير الدقيقه
وبعد ما تخلصين البسكويت تخلينه يبرد وبعدها تسوين التوفي وتخلينه يبرد اشوي وتستخدمين ملعقه صغيره في صب التوفي داخل البسكويت وتمسحين اشوي على اطراف البسكويت علشان يتسكر بالتوفي
وبسسسسسسسسس.. وصحتين وعافيه
المقدار الواحد يسوي 45 قطعه بسكويت (امسكرين على بعض) بس تاخذ وقت بس النتيجه يمممممممممممممم
أو تقدرين تستخدمين حشوة بالكاسترد والكاكاو
بنات تراني من زمان وانا أسوي الطريقه هذي او ماخذتها من منتدى أماراتي اوتراه ناجح ولا يفشل باذن الله
صورة الجهاز :
نمثل العجين كور بحجم حبة الزيتون المدور الكبير بنات الصورة ماهي مرتبه والسبب إني ما أخلي العجينه قاسيه مرة ولازم بعد ما أسوي العجينه أدخلها الثلاجه عشان تجمد شوي وبعدين اكورها بس عشاني مستعجله ما وريتكم الخطوه هذي وكورتها على طول :
ملاحظة إذا حطيتو كور العجين لاتملؤون القوالب كلها يعني خلو أثنين فاضين عشان البخار ما يكون كثيف ويفسد باقي الكور:
أو هذي صورتها بعد ماتحمرت وترا عادي الزوائد بيدك تكسرينها إن كنتي محترفه أو بالسكين وأصلن لا تعودتي وعرفتي الحجم المناسب ما راح يكون فيه زوائد:
وهذي بعد ما طلعناهم و من الأحسن أن نفرش مناديل او ورق نشاف على خوص وبعدين نحط البسكوت فوقه حتى يجف:
وهذي صورة التوفي الي سويته:
وهذي للزينه مكسرات وكريسبي مختلفه :
وهذي بعد ما حشيناها وعلى فكرة أنا حشيت بعضهم كاسترد وفواكه وفراوله وطلع مثل الباي والتارت:
صورة أقرب:
تسلم يديك
ويعطيك الف عااافية